हिमाली जडिबुटी ‘कुट्की’ को महत्व
१. पातको किनारा करौटीको धारझैँ काटिएको जस्तो हुने यो बनस्पति समुद्री सतहबाट ४५०० मिटरसम्मको उचाइमा पाइन्छ । यस जराको बोक्रा बाक्लो र चाउरिएर पत्रपत्र परेको हुन्छ । यसको भित्री भाग नरम हुन्छ ।
यसको फूलको रङ्ग फिक्का निलो प्याजी हुन्छ । यसको जरालाई पानीमा पखाल्ने र घाममा सुकाई हावा नपस्ने गरी बोरामा हाली राख्ने र आवश्यक मात्रालाई कुटेर कपडा छान्ने अनि यसको ४/५ ग्राम धुलोमा मह मिलाएर तातो पानी वा दूधसँग बिहान बेलुका दिनको दुईपटक खानाले हृदय जलन, पाचनसम्बन्धी रोग, उदर, शुल, अजीर्ण (पेट ढुस्स हुने) रोग, दिसा गोटा पर्ने, छालाको रोग, विशेषत दाद रोग, श्वाससम्बन्धी सम्पूर्ण समस्या, कृमी (पेटको कीरा), कृष्ठरोगहरु नाश गर्छ । शरीरमा नयाँ ऊर्जा पैदा गर्छ ।
२. सर्प वा विच्छीले टोकेको ठाउँमा लगाउनाले विशेष फाइदा गर्छ ।
३. यसको प्रयोगले दिसा राम्रोसँग खुलेको छैन भने सुत्ने बेलामा २/३ ग्राम कुट्कीको चूर्ण (धुलो) लाई महमा मिलाएर तातोपानीसँग नियमित केही दिनसम्म खानाले दिसा खलास गर्छ ।
‘हाम्रो घरको डाक्टर’पुस्तकबाट