पनौती नगरपालिकाले दियो किसानलाई पाडा
काभ्रे: काभ्रेको पनौती नगरपालिकाले किसानलाई पाडा वितरण सुरु गरेको छ ।
पनौती नगरपालिका– १ रयालेका १७ जना किसानलाई लागत साझेदारीमा पाडा वितरण गर्दै कार्यक्रमको सुरुवात गरिएको हो ।
किसानको जीवनस्तर उकास्न तथा मासु उत्पादनमा वृद्धि गर्न पाडा वितरण गरिएको नगरपालिकाले जनाएको छ ।
नगरपालिकाले चालु आर्थिक वर्षमा १ सय १० वटा पाडा वितरण गर्र्दै छ । लागतको ४० प्रतिशत किसानले व्यहोर्नु पर्ने छ । पाडा प्राप्त गर्ने किसानले ९ हजार ६ सय रुपैयाँ वुझाउनु पर्ने छ ।
यसअघि पनौती नगरपालिकाले भैसी संरक्षण अभियानअन्तर्गत ९ सय ५६ वटा भैंसी वितरण गरिसकेको छ भने भैंसी सुत्केरी भत्तासमेत दिँदै आएको छ ।