आजको मौसम: बागमती र गण्डकीमा भारी वर्षाको सम्भावना, तराईमा हावाहुरी चल्न सक्ने
काठमाडौं, श्रावण ०९ गते (शुक्रबार) :
आज दिउँसो देशभरको मौसम सामान्यतया बदली रहनेछ। विशेषगरी बागमती, गण्डकी र लुम्बिनी प्रदेशका केही स्थानहरूमा मेघगर्जन र चट्याङसहित हल्कादेखि मध्यम वर्षाको सम्भावना छ। अन्य प्रदेशका पहाडी भू-भागका केही र बाँकी तराईका थोरै स्थानमा पनि वर्षाको पूर्वानुमान गरिएको छ।
विशेष सावधानी: बागमती र गण्डकी प्रदेशका पहाडी भू-भागका एक-दुई स्थानमा भारी वर्षा हुन सक्ने भएकाले उक्त क्षेत्रका बासिन्दालाई सतर्क रहन आग्रह गरिएको छ।
आज राती कोशी प्रदेशलगायत देशका पहाडी क्षेत्रमा मौसम सामान्यतया बदली रहनेछ भने बाँकी भू-भागमा आंशिक बदली हुनेछ। राती कोशी प्रदेशका केही स्थानहरूमा र अन्य प्रदेशका थोरै स्थानहरूमा मेघगर्जन र चट्याङसहित हल्कादेखि मध्यम वर्षाको सम्भावना छ।
सावधानी: कोशी प्रदेशको तराई र मधेश प्रदेशका केही स्थानहरूमा हावाहुरी चल्ने सम्भावना रहेकाले सतर्कता अपनाउन विभागले अनुरोध गरेको छ।
आजको मौसम बदलीपूर्ण रहनेछ र केही क्षेत्रमा भारी वर्षा तथा हावाहुरीको जोखिम रहेकाले आवश्यक सतर्कता अपनाउनुहुन सबैमा अनुरोध छ। यात्रा गर्दा र खोलानालाको छेउछाउमा जाँदा विशेष ध्यान दिनुहोला।