हेर्नुहोस् कालीमाटीमा आज कुन तरकारीको थोक मूल्य कति ?

काठमाडौं, पुस २३ । कालीमाटी फलफूल तथा तरकारी बजार विकास समितिले आज बुधबारका लागि कृषि उपजहरूको नयाँ थोक मूल्य सार्वजनिक गरेको छ। समितिले सार्वजनिक गरेको मूल्य सूची अनुसार बजारमा तरकारी तथा फलफूलको भाउमा उतारचढाव देखिएको छ।

समितिका अनुसार, आज नेपाली ठूलो गोलभेडाको न्यूनतम मूल्य प्रतिकेजी १०० रुपैयाँ र अधिकतम १२० रुपैयाँ रहेको छ भने भारतीय ठूलो गोलभेडा ११० देखि १३० रुपैयाँसम्म कारोबार भइरहेको छ। लोकल सानो गोलभेडा ९० देखि ११० रुपैयाँ, टनेलको सानो गोलभेडा ११० देखि १३० रुपैयाँ, भारतीय सानो गोलभेडा ११० देखि १२० रुपैयाँ र तराईको सानो गोलभेडा ११० देखि १२० रुपैयाँ तोकिएको छ।

यसैगरी, रातो आलु प्रतिकेजी २७ देखि ३२ रुपैयाँ र भारतीय रातो आलु २५ देखि २७ रुपैयाँ कायम भएको छ। सुकेको भारतीय प्याजको मूल्य ४७ देखि ५० रुपैयाँ रहेको छ। लोकल गाजर ६० देखि ८० रुपैयाँ र तराईको गाजर ४८ देखि ६० रुपैयाँमा बिक्री भइरहेको छ। लोकल काक्रो १०० देखि १२५ रुपैयाँ पर्दा हाइब्रीड काक्रो ६० देखि ७० रुपैयाँमा पाइनेछ।

यस्तै, लोकल बन्दा ४५ देखि ५५ रुपैयाँ, नरिवल बन्दा ४० देखि ५० रुपैयाँ र रातो बन्दा २०० देखि २२० रुपैयाँ तोकिएको छ। स्थानीय काउली ६० देखि ७० रुपैयाँ, ज्यापु काउली ७० देखि ८० रुपैयाँ, तराईको काउली ५० देखि ५५ रुपैयाँ र ब्रोकाउली ९० देखि १२० रुपैयाँ कायम गरिएको छ। मुला तर्फ रातो मूला ३० देखि ४० रुपैयाँ, लोकल सेतो मूला १५ देखि २० रुपैयाँ र हाइब्रीड सेतो मूला २० देखि २५ रुपैयाँ रहेको छ।

त्यसैगरी, लाम्चो भन्टा ७० देखि ८० रुपैयाँ, डल्लो भन्टा ७० देखि ८० रुपैयाँ, मकै बोडी ५० देखि ६० रुपैयाँ र मटरकोशा ५० देखि ८० रुपैयाँ तोकिएको छ। घिउ सिमी लोकल ११० देखि १४० रुपैयाँ, हाइब्रीड १०० देखि १२० रुपैयाँ र राजमा सिमी ७० देखि ९० रुपैयाँमा कारोबार हुनेछ। टाटे सिमी ७५ देखि ९० रुपैयाँ र बकूला ९० देखि ११० रुपैयाँ रहेको छ। तितो करेला १०० देखि ११० रुपैयाँ, लौका ७० देखि ८० रुपैयाँ र घिरौला १०० देखि १२० रुपैयाँ कायम छ।

पाकेको फर्सी ३० देखि ४० रुपैयाँ, लाम्चो हरियो फर्सी ४० देखि ५० रुपैयाँ र डल्लो हरियो फर्सी ४५ देखि ५० रुपैयाँ रहेको छ। अन्य तरकारीहरुमा सलगम ८० देखि ९० रुपैयाँ, भिण्डी ९० देखि ११० रुपैयाँ, सखरखण्ड ६० देखि ७० रुपैयाँ, बरेला ६० देखि ७० रुपैयाँ, पिंडालू ७० देखि ९० रुपैयाँ, स्कूस २५ देखि ३५ रुपैयाँ र तरुल ६५ देखि ८० रुपैयाँ तोकिएको छ।

सागपात तर्फ, रायो साग १५ देखि ३० रुपैयाँ, पालुगो साग ६० देखि ८० रुपैयाँ, चमसूरको साग ६० देखि ८० रुपैयाँ, तोरीको साग ४० देखि ५० रुपैयाँ र मेथीको साग ६० देखि ८० रुपैयाँ रहेको छ। हरियो प्याज ४० देखि ५० रुपैयाँ, जिरीको साग १२० देखि १५० रुपैयाँ, सौफको साग ६० देखि ८० रुपैयाँ र पुदीना २०० देखि ३०० रुपैयाँ कायम भएको छ।

कन्य च्याउ १२० देखि १५० रुपैयाँ, डल्ले च्याउ ३३० देखि ३७० रुपैयाँ, राजा च्याउ २८० देखि ३०० रुपैयाँ र सिताके च्याउ ८०० देखि १००० रुपैयाँ रहेको छ। चुकुन्दर ७० देखि ८० रुपैयाँ, ग्याठ कोबी ७० देखि ८५ रुपैयाँ, सेलरी २५० देखि ३०० रुपैयाँ, पार्सले ६०० देखि ७०० रुपैयाँ, गान्टे मूला ७० देखि ८० रुपैयाँ, इमली १७० देखि १८० रुपैयाँ, तामा ११० देखि १२० रुपैयाँ, तोफु १३० देखि १५० रुपैयाँ, गुन्दुक ३५० देखि ४०० रुपैयाँ र रुख टमाटर २०० देखि २४० रुपैयाँ कायम गरिएको छ।

फलफूल तर्फ, झोले स्याउ २२० देखि २८० रुपैयाँ र फूजी स्याउ २८० देखि ३५० रुपैयाँ रहेको छ। केरा प्रति दर्जन १५० देखि २०० रुपैयाँ, कागती ८० देखि ९० रुपैयाँ, अनार ३०० देखि ३५० रुपैयाँ, हरियो अंगुर २०० देखि २२० रुपैयाँ र नेपाली सुन्तला ११० देखि १५० रुपैयाँ तोकिएको छ। हरियो तरबुजा ९० देखि १०० रुपैयाँ, मौसम ९० देखि १२० रुपैयाँ, जुनार १०० देखि १२० रुपैयाँ, भुई कटहर प्रति गोटा १४५ देखि १५५ रुपैयाँ र निबुवा ६० देखि ७० रुपैयाँ रहेको छ। चाइनिज नासपाती २०० देखि २३० रुपैयाँ, नेपाली मेवा ८० देखि ९० रुपैयाँ र भारतीय मेवा ९० देखि ११० रुपैयाँमा पाइनेछ। लप्सी ७५ देखि ९० रुपैयाँ, स्ट्रबेरी (भुईऐसेलु) ४५० देखि ५०० रुपैयाँ, किवि २७५ देखि ३०० रुपैयाँ, आभोकाडो २५० देखि ३५० रुपैयाँ र अमला ७० देखि ८० रुपैयाँ रहेको छ।

अदुवा ६० देखि ८० रुपैयाँ, सुकेको खुर्सानी ३५० देखि ४५० रुपैयाँ, हरियो खुर्सानी ८० देखि १०० रुपैयाँ, बुलेट खुर्सानी १०० देखि १२० रुपैयाँ, माछे खुर्सानी ८० देखि ९० रुपैयाँ, अकबरे खुर्सानी ३५० देखि ४०० रुपैयाँ र भेडे खुर्सानी ८० देखि १०० रुपैयाँ तोकिएको छ। हरियो लसुन ५० देखि ८० रुपैयाँ र हरियो धनिया ६० देखि १०० रुपैयाँ रहेको छ।

चाइनिज सुकेको लसुन ३४० देखि ३६० रुपैयाँ र नेपाली सुकेको लसुन १९५ देखि २२० रुपैयाँ कायम छ। सुकेको छ्यापी १३० देखि १६० रुपैयाँ र हरियो छ्यापी १८० देखि २०० रुपैयाँ रहेको छ। सुकेको माछा ८०० देखि १००० रुपैयाँ, ताजा रहु माछा ३२० देखि ३४० रुपैयाँ, बचुवा माछा २६० देखि २८० रुपैयाँ र छडी माछा २३० देखि २५० रुपैयाँमा किनबेच भइरहेको समितिले जनाएको छ।