के सस्तियो र के महँगियो आज ? हेर्नुहोस् मंगलबारको कालीमाटी बजारको पूर्ण विवरण

काठमाडौं, पुस २९ । कालीमाटी फलफूल तथा तरकारी बजार विकास समितिले आज मङ्गलबारका लागि कृषि उपजहरूको नयाँ थोक मूल्य सार्वजनिक गरेको छ। समितिले सार्वजनिक गरेको मूल्यसूची अनुसार गोलभेडा, आलु, प्याज लगायतका तरकारी र फलफूलको मूल्य यस प्रकार रहेको छ।

समितिका अनुसार, आज ठूलो भारतीय गोलभेडाको न्यूनतम मूल्य प्रतिकेजी रु ९० र अधिकतम रु १०० कायम भएको छ। यस्तै, सानो लोकल गोलभेडा रु ५६ देखि रु ७३, सानो टनेल गोलभेडा रु ७५ देखि रु ९०, सानो भारतीय गोलभेडा रु ७५ देखि रु ९० र सानो तराईको गोलभेडा रु ९० देखि रु १०० सम्म कारोबार भइरहेको छ।

रातो आलु प्रतिकेजी रु २५ देखि रु ३० र भारतीय रातो आलु रु २३ देखि रु २५ तोकिएको छ। यसैगरी, सुकेको भारतीय प्याजको मूल्य प्रतिकेजी रु ४५ देखि रु ४७ रहेको छ।

यसैगरी, लोकल गाजर रु ७० देखि रु ८० र तराईको गाजर रु ५० देखि रु ६० पर्नेछ। लोकल काक्रो रु १२० देखि रु १४० र हाइब्रिड काक्रो रु ८० देखि रु ९० मा बिक्री भइरहेको छ। लोकल बन्दा रु ५५ देखि रु ६५, नरिवल बन्दा रु ४० देखि रु ५० तथा रातो बन्दा रु १५० देखि रु २०० रहेको छ। स्थानीय काउली रु ९५ देखि रु ११०, ज्यापु काउली रु १२० देखि रु १३०, तराईको काउली रु ८५ देखि रु १०० र ब्रोकाउली रु १०० देखि रु १३० कायम भएको छ।

यस्तै, रातो मूला रु ३० देखि रु ४०, लोकल सेतो मूला रु १५ देखि रु २० र हाइब्रिड सेतो मूला रु २० देखि रु २५ रहेको छ। लाम्चो भन्टा रु ६० देखि रु ७० र डल्लो भन्टा रु ७५ देखि रु ८५ मा पाइनेछ। मकै बोडी रु ४० देखि रु ५०, मटरकोशा रु ६५ देखि रु ८०, लोकल घिउ सिमी रु १३० देखि रु १५०, हाइब्रिड घिउ सिमी रु ११० देखि रु १३०, राजमा घिउ सिमी रु ७० देखि रु ८०, टाटे सिमी रु ९० देखि रु १०० र बकूला रु ९० देखि रु १०० तोकिएको छ।

त्यसैगरी, तितो करेला रु १२० देखि रु १४०, लौका रु ८० देखि रु ९०, तराईको परवर रु २२० देखि रु २४०, घिरौला रु १०० देखि रु १२०, पाकेको फर्सी रु ३० देखि रु ४०, हरियो लाम्चो फर्सी रु ४० देखि रु ५० र डल्लो हरियो फर्सी रु ४५ देखि रु ५५ रहेको छ। सलगम रु ७० देखि रु ८०, भिण्डी रु १२० देखि रु १४०, सखरखण्ड रु ६० देखि रु ८०, बरेला रु ६५ देखि रु ८०, पिंडालू रु ७० देखि रु ९०, स्कूस रु ८० देखि रु ९० र तरुल रु ९० देखि रु १२० कायम छ। साथै चुकुन्दर रु ७० देखि रु ८०, ग्याठ कोबी रु ६० देखि रु ८०, गान्टे मूला रु ७० देखि रु ८०, तामा रु ११० देखि रु १२०, तोफु रु १३० देखि रु १५०, गुन्दुक रु ३५० देखि रु ४०० र रुख टमाटर रु २०० देखि रु २६० मा कारोबार भइरहेको छ।

सागपाततर्फ रायोको साग रु २५ देखि रु ४०, पालुगो र चमसूरको साग रु ६० देखि रु ८०, तोरीको साग रु ४० देखि रु ५०, मेथीको साग रु ६० देखि रु ८०, हरियो प्याज रु ४० देखि रु ६०, जिरीको साग रु १०० देखि रु १३०, सेलरी रु २२० देखि रु २५०, पार्सले रु ५०० देखि रु ६००, सौफको साग रु ६० देखि रु ८० र पुदीना रु २५० देखि रु ३०० रहेको छ।

च्याउको मूल्य हेर्दा कन्य च्याउ रु १५० देखि रु १८०, डल्ले च्याउ रु ३५० देखि रु ४००, राजा च्याउ रु २८० देखि रु ३०० र सिताके च्याउ रु ८०० देखि रु १००० सम्म पर्नेछ।

समितिका अनुसार फलफूलको थोक मूल्यमा झोले स्याउ रु २२० देखि रु २८० र फुजी स्याउ रु २८० देखि रु ३५०, केरा (प्रति दर्जन) रु १५० देखि रु २००, कागती रु ८० देखि रु १००, अनार रु ३०० देखि रु ३५०, नेपाली सुन्तला रु ११० देखि रु १४५, हरियो तरबुजा रु ९० देखि रु १००, मौसम रु ९० देखि रु १२०, जुनार रु १०० देखि रु १२० र भुई कटहर (प्रति गोटा) रु १४५ देखि रु १५५ रहेको छ। साथै, निबुवा रु ६० देखि रु ७०, चाइनिज नासपाती रु २०० देखि रु २३०, नेपाली मेवा रु ५० देखि रु ७०, भारतीय मेवा रु ९० देखि रु ११०, लप्सी रु ७० देखि रु ९०, स्ट्रबेरी रु ४५० देखि रु ५००, किवि रु २०० देखि रु ३००, आभोकाडो रु २५० देखि रु ३५०, अमला रु ७० देखि रु ८० र इमली रु १७० देखि रु १८० तोकिएको छ।

अदुवा रु ८० देखि रु १००, सुकेको खुर्सानी रु ३५० देखि रु ४२०, हरियो खुर्सानी रु १२० देखि रु १४०, बुलेट खुर्सानी रु १३० देखि रु १५०, माछे खुर्सानी रु ८० देखि रु १००, अकबरे खुर्सानी रु ५०० देखि रु ६०० र भेडे खुर्सानी रु ७० देखि रु ८० रहेको छ। हरियो लसुन रु ४० देखि रु ८०, हरियो धनिया रु ८० देखि रु ११०, चाइनिज सुकेको लसुन रु २५० देखि रु ३२०, नेपाली सुकेको लसुन रु १९० देखि रु २२०, सुकेको छ्यापी रु १३० देखि रु १६० र हरियो छ्यापी रु १८० देखि रु २०० कायम भएको छ।

माछामा सुकेको माछा रु ८०० देखि रु १०००, ताजा रहु माछा रु ३२० देखि रु ३४०, बचुवा माछा रु २६० देखि रु २८० र छडी माछा रु २३० देखि रु २५० सम्ममा कारोबार भइरहेको समितिले जनाएको छ।