आजको कालिमाटी बजारमा तरकारी, फलफूल र माछाको मूल्य कति ?

काठमाडौँ, २८ साउन । कालिमाटी फलफूल तथा तरकारी बजार विकास समितिले बिहीबारका लागि विभिन्न कृषि उपजहरूको नयाँ थोक मूल्यसूची सार्वजनिक गरेको छ। समितिका अनुसार आज धेरैजसो तरकारी र फलफूलको मूल्यमा सामान्य उतारचढाव देखिएको छ।

समितिका अनुसार गोलभेडा ठूलो (नेपाली) को न्यूनतम मूल्य प्रतिकिलो ६० रुपैयाँ र अधिकतम ७० रुपैयाँ तोकिएको छ भने भारतीय ठूलो गोलभेडाको मूल्य ७० देखि ८० रुपैयाँसम्म रहेको छ। सानो लोकल गोलभेडा २५ देखि ३० रुपैयाँ र टनेलको गोलभेडा ४१ देखि ५८ रुपैयाँमा कारोबार भइरहेको छ।

आलुको मूल्य हेर्दा रातो आलु (लाम्चो, गोलो र मुडे) को न्यूनतम मूल्य ४८ रुपैयाँ र अधिकतम ५१ देखि ५३ रुपैयाँसम्म कायम गरिएको छ। त्यसैगरी, भारतीय रातो आलु ३५ देखि ३७ रुपैयाँ, सेतो आलु ३३ देखि ३५ रुपैयाँ र भारतीय सुकेको प्याज ५४ देखि ५८ रुपैयाँमा बिक्री भइरहेको छ।

यस्तै, स्थानीय गाजरको मूल्य प्रतिकिलो १०० देखि १२० रुपैयाँ र तराईको गाजर ७० देखि ८० रुपैयाँ तोकिएको छ। लोकल र तराईको बन्दाको मूल्य ३० देखि ४० रुपैयाँ रहँदा स्थानीय काउली ९० देखि १०० रुपैयाँमा पाइन्छ। लोकल र लोकलक्रस काक्रो ४० देखि ५० रुपैयाँमा बिक्री भइरहेको छ भने हाइब्रिड काक्रोको मूल्य प्रतिकिलो ८ देखि १५ रुपैयाँ मात्र रहेको छ। रातो र हाइब्रिड सेतो मूलाको मूल्य २० देखि ३० रुपैयाँ कायम भएको छ।

समितिका अनुसार, लाम्चो भन्टा ४० देखि ५० र डल्लो भन्टा ५० देखि ६० रुपैयाँमा कारोबार भइरहेको छ। तने बोडी, मकै बोडी र भटमास कोशाको मूल्य ९० देखि १०० रुपैयाँसम्म पुगेको छ।  लोकल र हाइब्रिड घिउ सिमी ७० देखि ९० रुपैयाँ तथा टाटे सिमी ७० देखि ८० रुपैयाँमा उपलब्ध छ।

तितो करेला ४० देखि ५०, लौका ५० देखि ६०, लोकल र तराईको परवर ५० देखि ६०, चिचिण्डो २० देखि ३०, घिरौला २५ देखि ४० र झिगूनी ५० देखि ६० रुपैयाँमा बिक्री भइरहेको छ। यस्तै, पाकेको फर्सी ५० देखि ६०, हरियो डल्लो फर्सी ४० देखि ६०, भिण्डी ४० देखि ५०, पिँडालु ९० देखि १०० र स्कूस ५० देखि ६० रुपैयाँमा पाइन्छ।

सागसब्जी तर्फ समितिका अनुसार, रायो साग १०० देखि १५०, पालूगो साग २०० देखि २५०, र तोरीको साग ८० देखि १०० रुपैयाँमा कारोबार भइरहेको छ। हरियो प्याज १५० देखि २००, जिरीको साग ४०० देखि ५००, सेलरी २०० देखि २५० र पुदीना ४०० देखि ५०० रुपैयाँ प्रतिकिलो पर्दछ। विशेषगरी, पार्सलेको मूल्य उच्च रहँदै १४०० देखि १५०० रुपैयाँसम्म पुगेको छ। सौफको साग र गान्टे मूला १०० देखि १५० रुपैयाँमा बिक्री भइरहेको छ।

यसैगरी, च्याउको मूल्यमा कन्य च्याउ २४० देखि २८०, डल्ले ३५० देखि ४००, राजा च्याउ ३०० देखि ३३० र सिताके च्याउ ८०० देखि १००० रुपैयाँसम्म रहेको छ। कुरीलो ४०० देखि ५००, ब्रोकाउली १३० देखि १५०, चुकुन्दर ६० देखि ७०, सजिवन २५० देखि ३०० र रातो बन्दा ३० देखि ४० रुपैयाँमा कारोबार भइरहेको छ। यस्तै, इमली १६० देखि १८०, तामा १४० देखि १६०, तोफु १४० देखि १६० र गुन्दुक ३०० देखि ३५० रुपैयाँ कायम गरिएको छ।

फलफूलको बजार मूल्य हेर्दा, फूजी स्याउ २८० देखि ३०० रुपैयाँ रहेको छ। केरा (नेपाली) प्रतिदर्जन २५० देखि ३०० र मालभोग १८० देखि २०० रुपैयाँमा बिक्री भइरहेको छ। कागती प्रतिकिलो २०० देखि २५०, अनार ३०० देखि ४००, मालदह आँप २५० देखि २८० र चोसा आँप २३० देखि २५० रुपैयाँ छ।

त्यसैगरी, हरियो तरबुजा ५० देखि ६०, जुनार २७० देखि ३००, र भुईँ कटहर प्रतिगोटा १८० देखि २०० रुपैयाँ तोकिएको छ। रुख कटहर ५० देखि ६०, लोकल नासपाती ८० देखि ९० र चाइनिज नासपाती १०० देखि २०० रुपैयाँमा कारोबार भइरहेको छ।

नेपाली मेवा ८० देखि ९०, भारतीय मेवा १०० देखि १२०, आभोकाडो ४०० देखि ५००, अमला २४० देखि २८०, काँचो नरिवल ६० देखि ८०, हरियो नरिवल १५० देखि १७० र ड्रागन फ्रुट ४०० देखि ५०० रुपैयाँमा पाइन्छ।

यस्तै, अदुवा २०० देखि २३०, सुकेको खुर्सानी ५०० देखि ५५०, र हरियो लाम्चो तथा बुलेट खुर्सानी ८० देखि ९० रुपैयाँमा बिक्री भइरहेको छ। माछे खुर्सानी ५० देखि ६०, अकबरे खुर्सानी २५० देखि ३००, र भेडे खुर्सानी ५० देखि ८० रुपैयाँ कायम गरिएको छ। त्यसैगरी, हरियो लसुन १५० देखि १८०, हरियो धनियाँ २०० देखि ३००, सुकेको चाइनिज लसुन २०० देखि २४०, सुकेको नेपाली लसुन १८० देखि २०० र छ्यापी सुकेको १८० देखि २०० रुपैयाँमा उपलब्ध छ।

अन्त्यमा माछाको मूल्य हेर्दा, सुकेको माछा प्रतिकिलो ८०० देखि १००० रुपैयाँ पुगेको छ। ताजा माछा (रहु) ३३० देखि ३७० र ताजा माछा (बचुवा र छडी) ३०० देखि ३३० रुपैयाँमा कारोबार भइरहेको कालिमाटी फलफूल तथा तरकारी बजार विकास समितिले जनाएको छ।