कालीमाटी बजारमा आज कुन वस्तु कति रुपैयाँमा किनबेच हुँदैछ ? हेर्नुहोस् सम्पूर्ण मूल्यसूची

काठमाडौँ, २७ असोज । कालीमाटी फलफूल तथा तरकारी बजार विकास समितिले मंगलबारका लागि विभिन्न कृषि उपजको नयाँ मूल्यसूची सार्वजनिक गरेको छ ।

समितिका अनुसार गोलभेँडा ठूलो नेपाली र भारतीय प्रतिकिलो ७० देखि ८० रुपैयाँसम्म कारोबार भइरहेको छ । गोलभेँडा सानो लोकल र भारतीय प्रतिकिलो ६० देखि ७० रुपैयाँ तथा टनेलमा उत्पादित गोलभेँडा सानो प्रतिकिलो ७८ देखि १०४ रुपैयाँसम्म रहेको छ ।

त्यसैगरी, रातो आलु लाम्चो प्रतिकिलो ५५ देखि ६० रुपैयाँ, रातो आलु गोलो र मुडे ५० देखि ५५ रुपैयाँ, भारतीय रातो आलु ३० देखि ३५ रुपैयाँ तथा सेतो आलु २८ देखि ३२ रुपैयाँसम्म रहेको छ । सुकेको भारतीय प्याज प्रतिकिलो ८० देखि ८५ रुपैयाँमा कारोबार भइरहेको समितिको मूल्यसूचीमा उल्लेख छ ।

यसैगरी, गाजर लोकल प्रतिकिलो १०० देखि १२० रुपैयाँ र तराईको गाजर ८० देखि ९० रुपैयाँसम्म रहेको छ । लोकल बन्दा प्रतिकिलो ५० देखि ६० रुपैयाँ तथा स्थानीय काउली ९० देखि ११० रुपैयाँसम्म रहेको छ । लोकल काक्रो र लोकलक्रस काक्रो प्रतिकिलो ६० देखि ७० रुपैयाँ तथा हाइब्रिड काक्रो १५ देखि २५ रुपैयाँसम्म रहेको छ ।

रातो मूला प्रतिकिलो ३० देखि ४० रुपैयाँ र सेतो हाइब्रिड मूला ५० देखि ६० रुपैयाँसम्म रहेको छ । लाम्चो भन्टा प्रतिकिलो ७० देखि ८० रुपैयाँ तथा डल्लो भन्टा ८० देखि ९० रुपैयाँसम्म कारोबार भइरहेको छ ।

बोडी तने प्रतिकिलो १२० देखि १४० रुपैयाँ र मकै बोडी १०० देखि १२० रुपैयाँसम्म रहेको छ । मटरकोशा प्रतिकिलो २०० देखि २५० रुपैयाँमा कारोबार भइरहेको छ । घिउ सिमी लोकल र हाइब्रिड दुवै प्रतिकिलो ८० देखि १०० रुपैयाँ तथा राजमा घिउ सिमी २०० देखि २५० रुपैयाँसम्म रहेको छ । टाटे सिमी प्रतिकिलो १०० देखि १२० रुपैयाँ र भटमासकोशा ९० देखि १२० रुपैयाँसम्म रहेको छ ।

यसैगरी, तितो करेला प्रतिकिलो १२० देखि १३० रुपैयाँ, लौका ९० देखि १०० रुपैयाँ, लोकल परवर ९० देखि १०० रुपैयाँ, तराईको परवर ९० देखि १०० रुपैयाँ तथा घिरौला पनि ९० देखि १०० रुपैयाँसम्म रहेको छ । झिगूनी प्रतिकिलो ७० देखि ८० रुपैयाँ, पाकेको फर्सी ६० देखि ७० रुपैयाँ र हरियो डल्लो फर्सी ७० देखि ८० रुपैयाँसम्म रहेको छ ।

भिण्डी प्रतिकिलो ९० देखि १०० रुपैयाँ, सखरखण्ड ९० देखि १०० रुपैयाँ, बरेला १०० देखि १२० रुपैयाँ, पिँडालु ६० देखि ७० रुपैयाँ तथा स्कुस २० देखि ३० रुपैयाँसम्म रहेको छ ।

रायो साग र पालुङ्गो साग प्रतिकिलो १०० देखि १५० रुपैयाँसम्म रहेको छ । चमसुरको साग १५० देखि २०० रुपैयाँ, तोरीको साग ८० देखि १०० रुपैयाँ तथा जिरीको साग १०० देखि १५० रुपैयाँसम्म कारोबार भइरहेको छ । हरियो प्याज प्रतिकिलो २५० देखि ३०० रुपैयाँसम्म रहेको छ ।

यसैगरी, कन्य च्याउ प्रतिकिलो २६० देखि ३०० रुपैयाँ, डल्ले च्याउ ५५० देखि ६०० रुपैयाँ तथा राजा च्याउ ३०० देखि ३३० रुपैयाँसम्म रहेको छ । सिताके च्याउ प्रतिकिलो ८०० देखि १ हजार रुपैयाँसम्म रहेको समितिको मूल्यसूचीमा उल्लेख छ ।

कुरिलो प्रतिकिलो ७०० देखि ८०० रुपैयाँ, न्युरो ९० देखि १०० रुपैयाँ, ब्रोकाउली २०० देखि २५० रुपैयाँ, चुकुन्दर ८० देखि ९० रुपैयाँ तथा रातो बन्दा ८० देखि ९० रुपैयाँसम्म रहेको छ ।

सेलरी प्रतिकिलो ४०० देखि ५०० रुपैयाँ, पार्सले २ हजार ४०० देखि २ हजार ८०० रुपैयाँ, सौफको साग १०० देखि १५० रुपैयाँ र पुदिना ६०० देखि ७०० रुपैयाँसम्म रहेको छ । गान्टे मूला प्रतिकिलो १०० देखि १५० रुपैयाँ, इमली १६० देखि १८० रुपैयाँ, तामा १४० देखि १६० रुपैयाँ तथा तोफु १४० देखि १६० रुपैयाँसम्म रहेको छ । गुन्द्रुक प्रतिकिलो ३०० देखि ३५० रुपैयाँ तथा रुख टमाटर १०० देखि १५० रुपैयाँसम्म रहेको छ ।

फलफूलतर्फ फुजी स्याउ प्रतिकिलो ३०० देखि ३५० रुपैयाँ, जुम्लाको स्याउ २५० देखि ३५० रुपैयाँ तथा मुस्ताङको स्याउ २०० देखि २५० रुपैयाँसम्म रहेको छ । नेपाली केरा र मालभोग केरा प्रतिदर्जन १०० देखि १५० रुपैयाँसम्म कारोबार भइरहेको छ ।

यसैगरी, कागती प्रतिकिलो २०० देखि ३०० रुपैयाँ, अनार ३०० देखि ३५० रुपैयाँ तथा भारतीय सुन्तला १५० देखि २०० रुपैयाँसम्म रहेको छ । हरियो तरबुजा प्रतिकिलो ६० देखि ७० रुपैयाँ, मौसम १५० देखि २०० रुपैयाँ र जुनार १५० देखि २०० रुपैयाँसम्म रहेको छ । भुइँकटहर प्रतिगोटा १५० देखि २०० रुपैयाँसम्म रहेको छ ।

निबुवा प्रतिकिलो ५० देखि ६० रुपैयाँ, लोकल नासपाती ९० देखि १०० रुपैयाँ र चाइनिज नासपाती २०० देखि २५० रुपैयाँसम्म रहेको छ । नेपाली मेवा प्रतिकिलो ५० देखि ६० रुपैयाँ तथा भारतीय मेवा ९० देखि १०० रुपैयाँसम्म कारोबार भइरहेको छ ।

अम्बा प्रतिकिलो १५० देखि २०० रुपैयाँ, लप्सी ६० देखि ७० रुपैयाँ, किवी ३५० देखि ४०० रुपैयाँ, शरीफा १५० देखि २०० रुपैयाँ र एभोकाडो २५० देखि ३०० रुपैयाँसम्म रहेको छ । अमला प्रतिकिलो ७० देखि ८० रुपैयाँ, काँचो नरिवल ६० देखि ८० रुपैयाँ तथा हरियो नरिवल १५० देखि २०० रुपैयाँसम्म रहेको छ । नेपाली ड्रागन फ्रुट प्रतिकिलो ५०० देखि ६०० रुपैयाँसम्म रहेको छ ।

त्यसैगरी, अदुवा प्रतिकिलो २०० देखि २३० रुपैयाँसम्म रहेको छ । सुकेको खुर्सानी प्रतिकिलो ५०० देखि ५५० रुपैयाँ, हरियो लाम्चो खुर्सानी १२० देखि १३० रुपैयाँ, बुलेट खुर्सानी १२० देखि १३० रुपैयाँ तथा माछे खुर्सानी १२० देखि १३० रुपैयाँसम्म रहेको छ ।

हरियो अकबरे खुर्सानी प्रतिकिलो ८० देखि १२० रुपैयाँ र भेडे खुर्सानी १३० देखि १४० रुपैयाँसम्म रहेको छ । हरियो लसुन प्रतिकिलो ३०० देखि ३५० रुपैयाँ, हरियो धनियाँ २०० देखि ३०० रुपैयाँ, सुकेको चाइनिज लसुन २२० देखि २६० रुपैयाँ तथा सुकेको नेपाली लसुन २०० देखि २३० रुपैयाँसम्म कारोबार भइरहेको छ ।

सुकेको छ्यापी प्रतिकिलो १८० देखि २०० रुपैयाँ तथा हरियो छ्यापी १५० देखि २०० रुपैयाँसम्म रहेको छ ।

यसैगरी, सुकेको माछा प्रतिकिलो ८०० देखि १ हजार रुपैयाँसम्म रहेको छ । त्यसैगरी, ताजा रहु माछा प्रतिकिलो ३४० देखि ३७० रुपैयाँ, बचुवा माछा ३०० देखि ३३० रुपैयाँ तथा छडी माछा ३०० देखि ३५० रुपैयाँसम्म रहेको छ ।