आजका लागि कृषिउपजको थोक मूल्य सार्वजनिक, कुन वस्तुको मूल्य कति ?
काठमाडौँ, १९ कात्तिक । कालीमाटी फलफूल तथा तरकारी बजार विकास समितिले आजका लागि विभिन्न कृषिउपजको अधिकतम थोक मूल्य निर्धारण गरेको छ । समितिले सार्वजनिक गरेको मूल्यसूचीअनुसार तरकारी, फलफूल, सागसब्जी, मसलाजन्य वस्तु तथा माछाको मूल्य निर्धारण गरिएको हो ।
समितिका अनुसार गोलभेँडा ठूलो (नेपाली र भारतीय) प्रतिकिलो ७० रुपैयाँ, गोलभेँडा सानो (लोकल) ३० रुपैयाँ, टनेलको ६० रुपैयाँ र तराईको ५० रुपैयाँ कायम भएको छ । त्यस्तै, आलु रातो (लाम्चो, गोलो र मुढे) प्रतिकिलो ६० रुपैयाँ, भारतीय रातो आलु ३५ रुपैयाँ, सेतो आलु ३२ रुपैयाँ र सुकेको भारतीय प्याज ९२ रुपैयाँ निर्धारण गरिएको छ ।
यसैगरी, गाजर (लोकल) प्रतिकिलो १०० रुपैयाँ र तराईको ६० रुपैयाँ, बन्दा ४० रुपैयाँ, काउली (स्थानीय) ४० रुपैयाँ र तराईको ३० रुपैयाँ कायम भएको छ । रातो तथा सेतो मूला प्रतिकिलो ४० रुपैयाँ, भन्टा लाम्चो ४० रुपैयाँ र डल्लो ६० रुपैयाँ निर्धारण गरिएको छ ।
हरियो तरकारीतर्फ बोडी (तने) प्रतिकिलो १०० रुपैयाँ, मकैबोडी ५० रुपैयाँ, मटरकोशा १३० रुपैयाँ, घिउ सिमी (लोकल र हाइब्रिड) ६० रुपैयाँ तथा राजमा सिमी १५० रुपैयाँ कायम भएको छ । टाटे सिमी ९० रुपैयाँ, भटमासकोसा १२० रुपैयाँ, तिते करेला ९० रुपैयाँ, लौका ५० रुपैयाँ, परवर (लोकल) ६० रुपैयाँ र तराईको ८० रुपैयाँ निर्धारण गरिएको छ ।
त्यस्तै, चिचिण्डो र घिरौँला प्रतिकिलो ४० रुपैयाँ, झिगुनी ७० रुपैयाँ, पाकेको फर्सी ७० रुपैयाँ, हरियो फर्सी ४० रुपैयाँ, भिन्डी ९० रुपैयाँ, बरेला ४०० रुपैयाँ, पिँडालु ७० रुपैयाँ र स्कुस ३० रुपैयाँ कायम भएको छ ।
सागसब्जीतर्फ रायोसाग र तोरीको साग प्रतिकिलो ५० रुपैयाँ, पालुङ्गो १२० रुपैयाँ, चमसुर र मेथीको साग १५० रुपैयाँ तथा हरियो प्याज २५० रुपैयाँ निर्धारण गरिएको छ । बकुल्ला १०० रुपैयाँ र तरुल १२० रुपैयाँ कायम भएको छ ।
च्याउतर्फ कन्य च्याउ प्रतिकिलो १३० रुपैयाँ, डल्ले च्याउ र राजा च्याउ ३०० रुपैयाँ तथा सीताके च्याउ १ हजार रुपैयाँ निर्धारण गरिएको छ । कुरिलो प्रतिकिलो ८०० रुपैयाँ, ब्रोकाउली १०० रुपैयाँ, चुकन्दर ९० रुपैयाँ, सजीवन २५० रुपैयाँ, रातो बन्दा १५० रुपैयाँ र जिरीको साग १५० रुपैयाँ कायम भएको छ ।
यसैगरी, सेलरी प्रतिकिलो ५०० रुपैयाँ, पार्सले २ हजार ८०० रुपैयाँ, सौँफको साग १५० रुपैयाँ, पुदिना ७०० रुपैयाँ, गान्टेमूला १२० रुपैयाँ, इमली १८० रुपैयाँ, तामा र तोफु १६० रुपैयाँ तथा गुन्द्रुक ३५० रुपैयाँ निर्धारण गरिएको छ । रुख टमाटरको मूल्य प्रतिकिलो १५० रुपैयाँ कायम भएको छ ।
फलफूलतर्फ स्याउ (फुजी) प्रतिकिलो ३५० रुपैयाँ, जुम्लाको स्याउ ३०० रुपैयाँ र मुस्ताङको स्याउ २५० रुपैयाँ निर्धारण गरिएको छ । नेपाली तथा मालभोग केरा दर्जनको १५० रुपैयाँ, कागती ३०० रुपैयाँ, अनार ३५० रुपैयाँ, भारतीय सुन्तला २०० रुपैयाँ, तरबुजा ८० रुपैयाँ र मौसम तथा जुनार २०० रुपैयाँ कायम भएको छ ।
त्यस्तै, भुइँकटहर प्रतिगोटा २०० रुपैयाँ, काँक्रो (लोकल) प्रतिकिलो ७० रुपैयाँ, हाइब्रिड ३० रुपैयाँ र लोकलक्रस ६० रुपैयाँ निर्धारण गरिएको छ । निबुवा ६० रुपैयाँ, चाइनिज नास्पाती ३०० रुपैयाँ, नेपाली मेवा ६० रुपैयाँ, भारतीय मेवा १०० रुपैयाँ, अम्बा २०० रुपैयाँ, लप्सी ८० रुपैयाँ, किबी ३०० रुपैयाँ, सरिफा २०० रुपैयाँ, एभोकाडो ३०० रुपैयाँ, अमला ८० रुपैयाँ तथा काँचो नरिवल ८० र हरियो नरिवल २०० रुपैयाँ कायम भएको छ ।
ड्रागन फ्रुट प्रतिकिलो ५०० रुपैयाँ, अदुवा १०० रुपैयाँ, सुकेको खुर्सानी ५५० रुपैयाँ तथा हरियो खुर्सानी (लाम्चो) ९० रुपैयाँ, बुलेट र माछे १२० रुपैयाँ तथा अकबरे २०० रुपैयाँ निर्धारण गरिएको छ । भेडे खुर्सानी १०० रुपैयाँ, हरियो लसुन २५० रुपैयाँ, हरियो धनियाँ १०० रुपैयाँ तथा सुकेको लसुन (चाइनिज र नेपाली) प्रतिकिलो २६० रुपैयाँ कायम भएको छ ।
यसैगरी, सुकेको तथा हरियो छ्यापी प्रतिकिलो २०० रुपैयाँ निर्धारण गरिएको छ । माछातर्फ सुकेको माछा प्रतिकिलो १ हजार रुपैयाँ, ताजा रहु ३७० रुपैयाँ, बचुवा ३३० रुपैयाँ र छडी माछा ३५० रुपैयाँ कायम भएको समितिले जनाएको छ ।