कालीमाटी बजारको नयाँ मूल्यसूची सार्वजनिकः कुन तरकारी, फलफूल र माछाको मूल्य कति ? (पूर्ण विवरण)

काठमाडौँ, २९ फागुन ।कालीमाटी फलफूल तथा तरकारी बजार विकास समितिले आज शुक्रबारका लागि विभिन्न कृषि उपजहरूको नयाँ थोक (न्यूनतम र अधिकतम) मूल्य सार्वजनिक गरेको छ। समितिका अनुसार आज बजारमा तरकारी, फलफूल, मसला र माछाको मूल्यसूची तल उल्लिखित बमोजिम कायम गरिएको छ।

समितिका अनुसार भारतीय ठूलो गोलभेडाको न्यूनतम मूल्य प्रतिकिलो रू ७० र अधिकतम रू ८० तोकिएको छ। यसैगरी, लोकल सानो गोलभेडाको मूल्य रू ४० देखि ५०, भारतीय सानो गोलभेडा रू ४६ देखि ५२ र तराईको सानो गोलभेडा रू ५२ देखि ६२ सम्म कायम गरिएको छ। रातो आलु प्रतिकिलो रू १८ देखि २२ र मुडेको रातो आलु रू २२ देखि २४ तोकिएको छ। यस्तै, भारतीय सुकेको प्याजको मूल्य रू ३४ देखि ३६ रहेको छ।

त्यसैगरी, लोकल गाजरको न्यूनतम मूल्य रू ४० देखि अधिकतम रू ५० र तराईको गाजर रू २५ देखि ४० रहेको छ। लोकल बन्दा रू २० देखि ३०, नरिवल बन्दा रू १५ देखि २० र रातो बन्दा रू ३५ देखि ४५ मा बिक्री भइरहेको छ।

स्थानीय काउली रू १५ देखि २५, ज्यापु काउली रू २५ देखि ३५ र तराईको काउली रू २० देखि ३० तोकिएको छ। ब्रोकाउलीको मूल्य रू २५ देखि ३० र ग्याठ कोबी रू ५० देखि ६० कायम छ।

यसैगरी, रातो मूला रू ३० देखि ३५, लोकल सेतो मूला रू १० देखि १५ र हाइब्रीड सेतो मूला रू १५ देखि २० सम्म रहेको छ। गान्टे मूलाको मूल्य रू ४० देखि ५० तोकिएको छ। लाम्चो भन्टा रू ४० देखि ४५ र डल्लो भन्टा रू ५० देखि ६० रहेको छ।

यस्तै, मटरकोशा रू ३० देखि ४०, लोकल घिउ सिमी रू २० देखि ४०, हाइब्रीड घिउ सिमी रू २० देखि ३५, राजमा घिउ सिमी रू ६० देखि ७० र टाटे सिमी रू ३५ देखि ४० सम्ममा कारोबार भइरहेको छ। बकूला रू २५ देखि ३५, सजिवन रू १०० देखि १२० र कोइरालो रू ३०० देखि ३५० तोकिएको छ।

समितिका अनुसार तितो करेलाको न्यूनतम मूल्य रू १०० देखि अधिकतम रू ११० रहेको छ। लोकल काँक्रो रू ५० देखि ६५, हाइब्रीड काँक्रो रू २५ देखि ४० र लोकल क्रस काँक्रो रू ४० देखि ५० मा पाइन्छ।

यसैगरी, लौका रू ४० देखि ६०, तराईको परवर रू १०० देखि ११० र घिरौला रू ६० देखि ७० तोकिएको छ। पाकेको फर्सी रू ५५ देखि ६५, लाम्चो हरियो फर्सी र डल्लो हरियो फर्सी दुवैको मूल्य रू १० देखि १५ कायम छ।

यस्तै, सलगम रू ४० देखि ५०, भिण्डी रू १०० देखि ११०, सखरखण्ड रू ६५ देखि ७५, बरेला रू ३० देखि ४०, पिँडालु रू ५० देखि ६०, स्कूस रू ३५ देखि ४० र तरुल रू ६० देखि ७० तोकिएको छ भने चुकुन्दरको मूल्य रू ६५ देखि ७० रहेको छ।

त्यसैगरी, सागपाततर्फ रायोको साग प्रतिकिलो रू २५ देखि ४०, पालुङ्गो र चमसूरको साग रू ७० देखि ८०, तोरीको साग रू २५ देखि ३५ र मेथीको साग रू ७० देखि ८० रहेको छ। हरियो प्याज रू ३५ देखि ४५, जिरीको साग रू ३० देखि ४०, सेलरी रू १०० देखि १२०, पार्सले रू १५० देखि २०० र सौफको साग रू ७० देखि ८० सम्म तोकिएको छ।

यस्तै, च्याउतर्फ कन्य च्याउ रू १२० देखि १४०, डल्ले च्याउ रू ४०० देखि ४५०, राजा च्याउ रू २८० देखि ३०० र सिताके च्याउ रू ८०० देखि १००० सम्म पुगेको छ।

यसैगरी, कुरिलो रू ४०० देखि ५००, निउरो रू ७० देखि ८०, पुदीना रू १५० देखि १६०, इमली रू १७० देखि १८०, तामा रू ११० देखि १३०, तोफु रू १३० देखि १५० र गुन्द्रुक रू २८० देखि ३०० तोकिएको छ।

फलफूलतर्फ झोले स्याउ रू २०० देखि २५० र फूजी स्याउ रू २५० देखि ३०० रहेको छ। केरा प्रतिदर्जन रू १८० देखि २०० मा बिक्री भइरहेको छ। कागती प्रतिकिलो रू २५० देखि २६०, अनार रू ३०० देखि ३२०, हरियो अंगुर रू २०० देखि २२० र कालो अंगुर रू ३०० देखि ३२० कायम छ। भारतीय सुन्तला रू १३० देखि १६०, हरियो तरबुजा रू ५० देखि ६०, भुईं कटहर प्रतिगोटा रू १५० देखि १६० र रुख कटहर प्रतिकिलो रू १०० देखि १२० तोकिएको छ।

यस्तै, चाइनिज नासपाती रू २३० देखि २५०, नेपाली मेवा रू ५० देखि ७०, भारतीय मेवा रू १०० देखि १२०, लप्सी रू २८० देखि ३०० र किनु रू १२० देखि १३० सम्म छ। त्यसैगरी, स्ट्रबेरी (भुईंऐसेलु), किवी र आभोकाडो तीनवटै फलको मूल्य रू ३०० देखि ४०० कायम गरिएको छ। रुख टमाटर रू २६० देखि २८० र अमला रू १०० देखि १२० मा कारोबार भइरहेको छ।

अदुवा रू ९० देखि ११०, सुकेको खुर्सानी रू ३८० देखि ४२०, हरियो खुर्सानी रू ९० देखि ११०, बुलेट हरियो खुर्सानी रू ७० देखि ९० र माछे हरियो खुर्सानी रू ५० देखि ७० तोकिएको छ। यस्तै, अकबरे हरियो खुर्सानीको मूल्य रू ८०० देखि अधिकतम रू ९०० सम्म पुगेको छ भने भेडे खुर्सानी रू ६० देखि ८० छ। यसैगरी, हरियो लसुन रू ४० देखि ५०, सुकेको चाइनिज लसुन रू २३० देखि २६०, सुकेको नेपाली लसुन रू १८० देखि २०० र हरियो धनियाँ रू ३० देखि ४० रहेको छ। सुकेको छ्यापी रू १०० देखि १२० र हरियो छ्यापी रू ७० देखि ८० कायम छ।

अन्त्यमा,सुकेको माछा प्रतिकिलो रू ८०० देखि १००० सम्म रहेको छ। त्यसैगरी, ताजा रहु माछा रू ३२० देखि ३५०, ताजा बचुवा माछा रू २७० देखि २८० र ताजा छडी माछा रू २३० देखि २५० तोकिएको कालीमाटी फलफूल तथा तरकारी बजार विकास समितिले जनाएको छ।