आज कालीमाटीमा तरकारी, फलफूल र माछाको मूल्य कति ? हेर्नुहोस् विस्तृत विवरण

काठमाडौँ, २७ वैशाख ।कालीमाटी फलफूल तथा तरकारी बजार विकास समितिले आइतबारका लागि कृषि उपजहरूको नयाँ मूल्यसूची सार्वजनिक गरेको छ । समितिका अनुसार आजको बजारमा विभिन्न तरकारी, फलफूल र माछाको मूल्य निर्धारण गरिएको छ ।

समितिका अनुसार,  गोलभेडा ठूलो (भारतीय) को न्यूनतम मूल्य प्रतिकेजी ८० देखि अधिकतम ९० रुपैयाँसम्म तोकिएको छ । यस्तै, सानो स्थानीय गोलभेडा न्यूनतम ६१ देखि अधिकतम ७० रुपैयाँ, भारतीय सानो गोलभेडा ४५ देखि ६० रुपैयाँ र तराईको सानो गोलभेडा ४२ देखि ५५ रुपैयाँमा कारोबार भइरहेको छ । रातो आलुको मूल्य न्यूनतम २२ देखि २८ रुपैयाँ र भारतीय रातो आलु २२ देखि २४ रुपैयाँ कायम गरिएको छ ।

भारतीय सुकेको प्याज प्रतिकेजी ३८ देखि ४० रुपैयाँमा बिक्री भइरहेको छ । यस्तै, स्थानीय गाजरको मूल्य ४५ देखि ६० रुपैयाँ, स्थानीय बन्दा २५ देखि ३५ रुपैयाँ र स्थानीय काउलीको मूल्य ४० देखि ६० रुपैयाँ तोकिएको छ । यसैगरी, स्थानीय काँक्रो ५५ देखि ७५ रुपैयाँ, हाइब्रिड काँक्रो ४० देखि ५० रुपैयाँ र लोकलक्रस काँक्रो ६५ देखि ८० रुपैयाँमा उपलब्ध छ । सेतो हाइब्रिड मूलाको मूल्य आज न्यूनतम १५ देखि २५ रुपैयाँसम्म छ ।

त्यसैगरी,भन्टा लाम्चो ४५ देखि ६० रुपैयाँ र भन्टा डल्लो ६० देखि ७० रुपैयाँमा किनबेच भइरहेको छ । यस्तै, तने बोडी ९० देखि १२० रुपैयाँ, मकै बोडी ८० देखि ९० रुपैयाँ र मटरकोशा ४० देखि ५० रुपैयाँ तोकिएको छ ।  स्थानीय घिउ सिमी ९० देखि ११० रुपैयाँ, हाइब्रिड घिउ सिमी ७० देखि ९० रुपैयाँ र राजमा सिमीको मूल्य ९० देखि १०० रुपैयाँ छ । भटमासकोशाको मूल्य प्रतिकेजी १४० देखि १६० रुपैयाँसम्म पुगेको छ ।

यसैगरी, तितो करेला ३५ देखि ५० रुपैयाँ, लौका ४५ देखि ६० रुपैयाँ, स्थानीय परवर ७० देखि ८० रुपैयाँ र तराईको परवर ६० देखि ७० रुपैयाँमा पाइन्छ । चिचिण्डो ३० देखि ५० रुपैयाँ, घिरौला ५० देखि ६५ रुपैयाँ, झिगूनी ७० देखि ८० रुपैयाँ र पाकेको फर्सी ५० देखि ६० रुपैयाँमा बिक्री भइरहेको छ । यस्तै, हरियो लाम्चो र डल्लो फर्सीको मूल्य समान ३५ देखि ५० रुपैयाँ छ भने भिण्डी ६० देखि ७० रुपैयाँ, सखरखण्ड ७० देखि ७५ रुपैयाँ, पिंडालू ४० देखि ५० रुपैयाँ र स्कूस ४५ देखि ५५ रुपैयाँमा उपलब्ध छ ।

सागपातको कुरा गर्दा रायो साग ७० देखि १०० रुपैयाँ, पालूगो, चमसूर, मेथी र जिरीको साग समान ९० देखि १०० रुपैयाँमा बिक्री भइरहेको छ । यस्तै, तोरीको साग २५ देखि ३५ रुपैयाँ, हरियो प्याज १५० देखि १९० रुपैयाँ र पुदीना ९० देखि ११० रुपैयाँ तोकिएको छ । गान्टे मूला ४० देखि ५० रुपैयाँ, सौफको साग ९० देखि १०० रुपैयाँ र हरियो धनियाँ ५० देखि ६० रुपैयाँमा पाइन्छ ।

च्याउको मूल्यमा विविधता देखिएको छ । कन्य च्याउ २२० देखि २६० रुपैयाँ, डल्ले च्याउ ४८० देखि ५३० रुपैयाँ, राजा च्याउ ३०० देखि ३२० रुपैयाँ र सिताके च्याउ ८०० देखि १००० रुपैयाँसम्म पुगेको छ । यस्तै, कुरीलो ४०० देखि ४५० रुपैयाँ, न्यूरो ८० देखि १०० रुपैयाँ र ब्रोकाउली १०० देखि १२० रुपैयाँमा कारोबार भइरहेको छ ।

चुकुन्दर ५५ देखि ६५ रुपैयाँ, सजिवन र सेलरी समान १०० देखि १२० रुपैयाँ, कोइरालो ३२० देखि ३५० रुपैयाँ, रातो बन्दा ४५ देखि ६० रुपैयाँ र पार्सले २५० देखि ३०० रुपैयाँमा उपलब्ध छ । यसैगरी, इमली १७० देखि १८० रुपैयाँ, तामा र तोफु समान १३० देखि १५० रुपैयाँ र गुन्दुक २५० देखि ३०० रुपैयाँमा बिक्री भइरहेको छ ।

फलफूलतर्फ झोले स्याउ २२० देखि २५० रुपैयाँ, फूजी स्याउ २५० देखि ३०० रुपैयाँ र केरा प्रतिदर्जन १६० देखि २२० रुपैयाँ तोकिएको छ । कागती ३८० देखि ४०० रुपैयाँ, अनार ४०० देखि ५०० रुपैयाँ, हरियो अंगुर २५० देखि ३०० रुपैयाँ र कालो अंगुर ४०० देखि ४५० रुपैयाँमा किनबेच भइरहेको छ । यस्तै, हरियो तरबुजा ३५ देखि ४५ रुपैयाँ, भुई कटहर प्रतिगोटा २३० देखि २५० रुपैयाँ, चाइनिज नासपाती २३० देखि २५० रुपैयाँ र नेपाली मेवा ७० देखि ८० रुपैयाँ तथा भारतीय मेवा ८० देखि ९० रुपैयाँमा उपलब्ध छ । आभोकाडोको मूल्य ७०० देखि ८०० रुपैयाँ प्रतिकेजी छ ।

अदुवा १०० देखि १२० रुपैयाँ र सुकेको खुर्सानी ४०० देखि ४५० रुपैयाँमा बिक्री भइरहेको छ । हरियो खुर्सानी ८० देखि १०० रुपैयाँ, बुलेट खुर्सानी ७० देखि ८५ रुपैयाँ, माछे खुर्सानी ६० देखि ७० रुपैयाँ र अकबरे खुर्सानी ५०० देखि ६०० रुपैयाँसम्म तोकिएको छ । यस्तै, भेडे खुर्सानी ६० देखि ८० रुपैयाँ, हरियो लसुन १८० देखि २०० रुपैयाँ, सुकेको चाइनिज लसुन १७५ देखि १९० रुपैयाँ र सुकेको नेपाली लसुन ९० देखि १२० रुपैयाँमा पाइन्छ । सुकेको छ्यापीको मूल्य १२० देखि १६० रुपैयाँ कायम गरिएको छ ।

अन्त्यमा, ताजा माछाको मूल्यतर्फ रहु माछा ३२० देखि ३४० रुपैयाँ, बचुवा माछा ३०० देखि ३१० रुपैयाँ र छडी माछा २८० देखि ३०० रुपैयाँ प्रतिकेजीमा कारोबार भइरहेको कालीमाटी फलफूल तथा तरकारी बजार विकास समितिले जनाएको छ ।