कालीमाटी बजारमा कृषि उपजको नयाँ मूल्यसूची सार्वजनिक, कुनको मूल्य कति ?

काठमाडौँ, ०५ जेठ ।कालीमाटी फलफूल तथा तरकारी बजार विकास समितिले मङ्गलबारका लागि कृषि उपजहरूको नयाँ मूल्यसूची सार्वजनिक गरेको छ। समितिका अनुसार आज भारतीय ठूलो गोलभेडाको न्यूनतम मूल्य प्रतिकिलो ७५ रुपैयाँ र अधिकतम ८५ रुपैयाँ तोकिएको छ।

त्यसैगरी, लोकल सानो गोलभेडा ५० देखि ६५ रुपैयाँ, टनेलको ७० देखि ७८ रुपैयाँ, भारतीय सानो ६० देखि ७० रुपैयाँ र तराईको सानो गोलभेडा ४४ देखि ५२ रुपैयाँमा कारोबार भइरहेको छ। आलुको मूल्य हेर्दा रातो (लाम्चो) आलु २५ देखि ३० रुपैयाँ र गोलो रातो आलु २३ देखि २५ रुपैयाँ कायम गरिएको छ। यस्तै, भारतीय सुकेको प्याज ३५ देखि ३८ रुपैयाँ र लोकल गाजर ५० देखि ६० रुपैयाँमा पाइन्छ।

समितिका अनुसार लोकल बन्दा प्रतिकिलो २५ देखि ३५ रुपैयाँ र स्थानीय काउली ३० देखि ४५ रुपैयाँमा उपलब्ध छ। काक्रोको हकमा लोकल ४० देखि ६० रुपैयाँ, हाइब्रिड २० देखि ३५ रुपैयाँ र लोकलक्रस ४० देखि ५५ रुपैयाँ तोकिएको छ। रातो मूला ७० देखि ७५ रुपैयाँ र हाइब्रिड सेतो मूला १२ देखि २० रुपैयाँमा बिक्री भइरहेको छ।

यसैगरी, लाम्चो भन्टा ३० देखि ४५ रुपैयाँ, डल्लो भन्टा ४५ देखि ६० रुपैयाँ, तने बोडी ४० देखि ६० रुपैयाँ, मकै बोडी ७० देखि ८० रुपैयाँ र लोकल घिउ सिमी ७० देखि ८० रुपैयाँमा पाइन्छ। हाइब्रिड घिउ सिमी ५० देखि ७० रुपैयाँ, राजमा घिउ सिमी ८० देखि ९० रुपैयाँ र भटमासकोशा ११० देखि १३० रुपैयाँ कायम गरिएको छ। तितो करेला ६० देखि ७० रुपैयाँ, लौका ३५ देखि ५० रुपैयाँ, लोकल परवर ५० देखि ६० रुपैयाँ र तराईको परवर ४५ देखि ५५ रुपैयाँमा उपलब्ध छ।

त्यसैगरी, चिचिण्डो ३५ देखि ४५ रुपैयाँ, घिरौला ३५ देखि ५० रुपैयाँ, झिगूनी ६५ देखि ७५ रुपैयाँ, पाकेको फर्सी ५० देखि ६० रुपैयाँ, हरियो लाम्चो फर्सी ३० देखि ४० रुपैयाँ र डल्लो हरियो फर्सी २५ देखि ४० रुपैयाँमा कारोबार भइरहेको छ। भिण्डी ३५ देखि ५० रुपैयाँ, सखरखण्ड ६० देखि ७० रुपैयाँ, पिंडालू ४० देखि ५० रुपैयाँ र स्कूस ४५ देखि ५० रुपैयाँ तोकिएको छ।

सागपाततर्फ रायोको साग ७० देखि ८० रुपैयाँ, पालूगो साग १०० देखि १२० रुपैयाँ, चमसूरको साग ११० देखि १२० रुपैयाँ, तोरीको साग ३० देखि ४० रुपैयाँ, मेथीको साग ९० देखि १०० रुपैयाँ र हरियो प्याज १३० देखि १५० रुपैयाँमा पाइन्छ। यस्तै, कन्या च्याउ १४० देखि १६० रुपैयाँ, डल्ले च्याउ ३४० देखि ३८० रुपैयाँ, राजा च्याउ ३०० देखि ३२० रुपैयाँ र सिताके च्याउ ८०० देखि १००० रुपैयाँसम्म तोकिएको छ।

समितिका अनुसार कुरीलो २८० देखि ३२० रुपैयाँ, न्यूरो ७० देखि ८० रुपैयाँ, ब्रोकाउली ८० देखि ११० रुपैयाँ, चुकुन्दर ५० देखि ६० रुपैयाँ र सजिवन १०० देखि १२० रुपैयाँमा उपलब्ध छ। रातो बन्दा ४० देखि ५० रुपैयाँ, जिरीको साग ९० देखि ११० रुपैयाँ, सेलरी १२० देखि १३० रुपैयाँ, पार्सले २५० देखि ३०० रुपैयाँ, सौफको साग ९० देखि १०० रुपैयाँ र पुदीना ९० देखि १०० रुपैयाँमा बिक्री भइरहेको छ। गान्टे मूला ४० देखि ६० रुपैयाँ, इमली १७० देखि १८० रुपैयाँ, तामा १३० देखि १५० रुपैयाँ, तोफु १३० देखि १५० रुपैयाँ र गुन्दुक २०० देखि ३०० रुपैयाँमा कारोबार भइरहेको छ।

फलफूलको मूल्य सूची हेर्दा झोले स्याउ १८० देखि २३० रुपैयाँ, फूजी स्याउ २५० देखि २८० रुपैयाँ, नेपाली केरा १५० देखि २०० रुपैयाँ प्रतिदर्जन र मालभोग केरा २०० देखि २२० रुपैयाँ प्रतिदर्जन तोकिएको छ। यस्तै, कागती २६० देखि २८० रुपैयाँ, अनार ४०० देखि ४५० रुपैयाँ, हरियो अंगुर ३०० देखि ३२० रुपैयाँ, कालो अंगुर ४०० देखि ४५० रुपैयाँ र हरियो तरबुजा २८ देखि ३८ रुपैयाँमा पाइन्छ। भुई कटहर प्रतिगोटा २३० देखि २५० रुपैयाँमा उपलब्ध छ।

त्यसैगरी, रुख कटहर ६० देखि ७० रुपैयाँ, नेपाली मेवा ७० देखि ८० रुपैयाँ, भारतीय मेवा ८० देखि १०० रुपैयाँ, लोकल लीच्ची २०० देखि २२० रुपैयाँ र आभोकाडो ७०० देखि ८०० रुपैयाँमा कारोबार भइरहेको छ।

अदुवा १५० देखि १८० रुपैयाँ, सुकेको खुर्सानी ३८० देखि ४३० रुपैयाँ, हरियो लाम्चो र बुलेट खुर्सानी ९० देखि १०० रुपैयाँ, माछे खुर्सानी ६० देखि ७० रुपैयाँ र भेडे खुर्सानी ६० देखि ७० रुपैयाँमा पाइन्छ।

हरियो लसुन १७० देखि १९० रुपैयाँ, हरियो धनिया ५० देखि १०० रुपैयाँ, चाइनिज सुकेको लसुन १७५ देखि २०० रुपैयाँ, नेपाली सुकेको लसुन ९० देखि १२० रुपैयाँ र सुकेको छ्यापी १०० देखि १४० रुपैयाँ कायम गरिएको छ। माछातर्फ रहु ३२० देखि ३३० रुपैयाँ, बचुवा ३०० देखि ३१० रुपैयाँ र छडी माछा २५० देखि २६० रुपैयाँ प्रतिकिलोमा बिक्री भइरहेको समितिले जनाएको छ।