स्थानीय उत्पादनलाई प्रोत्साहन गर्न ‘कोसेली घर’
तेह्रथुम — स्थानीय उत्पादनको बजार प्रवद्र्धन गर्ने उद्देश्यले छथर गाउँपालिकाको शुक्रबारे बजारमा कोसेली घर सञ्चालनमा ल्याइएको छ । छथर गाउँपालिकाका विभिन्न पेसा व्यवसायमा आबद्ध उद्यमीहरूले आफ्ना उत्पादनलाई बजार प्रवद्र्धन गर्ने कोसेली घर सञ्चालनमा ल्याएका हुन् ।
कोसेली घर सञ्चालनका लागि छथर गाउँपालिकाले सहयोग जुटाइदिएको छ । कोसेली घरमा ग्रामीण क्षेत्रका उद्यमीहरूले तयार पारेका ढाका कपडा, सिलाइबुनाइका कपडा, खुकुरी, दुधजन्य पदार्थ, घरेलु कृषि औजार, मिठाई लगायत घरेलु सामग्री बिक्रीका लागि राखिएको गाउँपालिका अध्यक्ष सन्तविर लिम्बूले बताए ।
छरिएर रहेका उद्यमीले तयार पारेका सामग्री एकै स्थानबाट बिक्री गर्दा बजार प्रवद्र्धनमा समेत सहयोग पुग्ने भएकाले कोसेली घर सञ्चालनमा ल्याइएको गाउँपालिकाले जनाएको छ । घरमा साना तथा मझौला उद्योगदेखि कृषि उद्यमीले तयार पारेका सामान समेत बिक्रीका लागि राखिएको छ । उत्पादित सामग्री एकै स्थानमा भएपछि बजार प्रवद्र्धनमा समेत सहयोग पुगेको स्थानीय उद्यमीको भनाइ छ ।
छथर गाउँपालिकाभित्रका साना, मझौला तथा कृषि उद्यमीको सहयोगका लागि पञ्चवर्षीय गुरुयोजना नै निर्माण गरी ग्रामीण क्षेत्रमा समेत उद्योग मैत्री नीति निर्माण गरिरहेको गाउँपालिका अध्यक्ष लिम्बूले बताए । कोसेली घर स्थापनापछि ग्रामीण क्षेत्रमा उत्पादन भएका बस्तुलाई बजारसम्म पुर्याउन राहत मिलेको स्थानीय व्यवसायी इन्दिरा खड्काले बताइन् ।
कोसेली घर सञ्चालनको जिम्मा स्थानीय व्यवसायी मनकुमारी लिम्बूले पाएकी छन् । कोसेली घर सञ्चालनमा आएपछि उत्पादित बस्तुको मूल्यमा समेत एकरूपता कायम गरिएको छ । यसअघि एकै प्रकृतिका बस्तुको मूल्य स्थानीय बजारमै फरक फरक थियो । गाउँगाउँमा उत्पादन भएका सामग्री संकलन गरी कोसेली घरसम्म ल्याउन वडा स्तरमा अलग्गै उद्यमीहरू छनोट गरिएका छन् । कोसेली घरमा स्थानीयले तयार पारेका अकबरे खुर्सानीको अचार, अचार, अदुवा तथा अन्य फलफूलको जुुस, बाँसको मुडा, दालमोठ, भुजा, मह लगातयका बस्तु बिक्रीका लागि राखिएको छ ।
स्रोत :कान्तिपुर
चन्द्र कार्की
प्रमुख नगदेबालीको रूपमा अलैंचीको निर्यात पछिल्लो समय बढ्दै गएको छ । अन्तर्राष्ट्रिय बजारमा स्वदेशी अलैंचीको माग बढ्दै गएकाले निर्यातमा पनि ...
मुलुकमा सबैभन्दा बढी खपत हुने कुखुराको मासुको मूल्यले दिनहुँ नयाँ रेकर्ड बनाइरहेको छ । काठमाडौं उपत्यकाका लागि कुखुरा व्यवसायी संघले प्रतिकिलो ...
हरिकृष्ण गौतम म्याग्दी । बेनी नगरपालिका–४, सिङ्गा डाँडाखेतका पाँच युवाले विदेशबाट फर्किएर ब्यवसायीक बाख्रापालन सुरु गरेका छन्। धन कमाउनका लागि ...
शान्ता कमली लमजुङ। लमजुङको मर्स्याङ्दी गाउँपालिका-८ भुष्मेमा केही वर्ष अघि बाँझो रहेको जग्गा यतिबेला तरकारी खेतीले हरियाली भएका छन् । ...
भानुभक्त आचार्य धनगढी । कैलाली गौरिगंगा नगरपालिका-९ का किसान घनश्याम पौडेलले यसअघि कृषि प्राविधिककै सल्लाहमा गरिमा जातको धानको बिउ लगाएका ...
कर्णाली: कर्णालीमा गत असारदेखि नै रासायनिक मल (युरिया) अभाव भएपछि वीरेन्द्रनगर नगरपालिका–११ का किसान कलवीर चौधरीलाई उत्पादन घट्ने चिन्ताले सताएको ...