दसैंमा कस्तो मासु खाने ?कसौंडीमा खसीको मासु/क्यापरेसा सलाद/चिकेन
नेपालीको चाड दसैंमा कस्तो खाना खाने, के खाने भन्ने धेरैलाई अन्योल हुन्छ । मांसाहारी खाना दसैंमा सबैभन्दा बढी चल्छ । त्यही दसैंको खानाबारे रिसोर्टका एक्जुकेटिभ सेफ डिबी (धनबहादुर) सेजुवाल तयार पारेको मेनु तल प्रस्तुत गरिएको छ।
क्यापरेसा सलाद
आवश्यक सामग्री आवश्यक मात्रा
पाकेको रातो गोलभेडा ३
मजरेला चिज (स्लाईस) १२
तुलसीको पत्ता १२
जैतुनको तेल १ अर्थात २ थोपा
नुन आवश्यकता अनुसार
कालो मरिचको टुक्रा आवश्यकता अनुसार
विधि
१. वास्लामिक भेनेगरलाई एउटा भाँडोमा राखेर हल्का उमाल्नु होस्, सानो आगोमा।
२. बाक्लो नहुने समयसम्म पकाउनुहोस् (१५ मिनेट जति)
३. कोठाको तापक्रममा सेलाउन दिनुहोस्।
४. गोलभेडा र मोजरेला चिजलाई गोलो आकारमा काट्नुहोस्।
५. अन्तमा गोलभेडा, मोजरेला चिज, तुलसीको पत्तालाई क्रमैसँग मिलाएर प्लेटमा राखी माथिबाट वास्लामिक भेनेगर र जैतुनको तेलले सजाउनु होस् अनि नुन र मरिचको धुलो छर्कनुहोस्।
कसौंडीमा खसीको मासु
आवश्यक सामग्री आवश्यक मात्रा
हड्डी र छाला नभएको खसीको मासु १ किलो
लसुन र अदुवाको पेस्ट १५ ग्राम
तोरीको तेल ५० ग्राम
जीरा र धनियाँको धुलो १०–१० ग्राम
ल्वाङ, सुकमेल, तेजपत्ता २–२ पिस
गरम मसला ५ ग्राम
प्याज ५० ग्राम
गोलभेडाँ ३० ग्राम
हरियो धनियाँ १५ ग्राम
बेसारको धुलो २ ग्राम
रातो खुर्सानीको धुलो १–२ ग्राम
नुन आवश्यकता अनुसार
विधि
१. कसौंडीमा तेल राखेर तताउनुहोस्, तेल तातेपछि काटेको प्याज राखेर रातो नभएसम्म भुट्नुहोस् र त्यसमा बेसारको धुलो, खुर्सानीको धुलो, धनियाँ–जिराको धुलो र लसुन अदुवाको पेस्ट राखेर एकछिन भुट्नुहोस्।
२. अनि त्यसमा खसीको मासु राखेर पकाउनुहोस् अलिकति पानी पनि राख्नुस् जसले गर्दा मासु राम्रोसँग पाकोस्।
३. पाकेपश्चात् माथि तेल निस्कन्छ अनि माथिबाट नुन र हरियो धनियाँ राख्नुहोस् र अन्तमा हरियो धनियाँले सजाएर खानुहोस्।
चिकेन (सेफ स्पेसल)
आवश्यक सामग्री आवश्यक मात्रा
कुखुराको मासु ४०० ग्राम
पुदिना १ कप
धनियाँ १.५ चम्चा
लसुन अदुवाको पेस्ट २ चम्चा
दही ५० ग्राम
प्याज ३० ग्राम
हरियो खुर्सानी ३ गोटा
नुन आवश्कता
चिकेन मसला २ चिया चम्चा
रातो खुर्सानीको धुलो १ चिया चम्चा
बेसारको धुलो १ चिया चम्चा
ल्वाङ, दालचिनी÷दालचिनीको सिन्का २ गोटा
जैतुनको तेल ४ ठूलो चम्चा
वटर ५० ग्राम
विधि
१. कुखुराको मासुको हड्डी र छाला निकालेर टुक्रा गरी काट्नुहोस्।
२. मिक्स्चरमा पुदिना, धनियाँ, हरियो खुर्सानी, लसुन, अदुवा राखेर अलि खस्रो पेस्ट बनाउनुहोस् र एक भाडोमा राख्नुहोस्।
३. एउटा भाडोमा नुन, खुर्सानीको धुलो, बेसार, धनियाँको धुलो, चिकेन मसला, ल्वाग, सुकमेल, दालचिनी राखेर मिलाउनुहोस्।
४. त्यसपश्चात् कुखुराको मासु राखेर मज्जाले चलाउनुहोस् । एउटा काँटाले कुखुराको मासुमा प्वाल बनाउनुहोस् र ४–६ घण्टा फ्रिजमा राख्नुहोस्।
५. एउटा भाँडोमा वटर राखेर मोलेको कुखुराको मासु राख्नुहोस् र २० देखि ३० मिनेटसम्म सानो आगोमा पकाउनुहोस्।
६. कुखुराको मासु पाकेपश्चात् एउटा प्लेटमा सजाउनुहोस् र चिल्लीसससँग खानुहोस् वा पस्कनुहोस्।
स्पेसल माछा
आवश्यक सामग्री आवश्यक मात्रा
माछाको टुक्रा १८० ग्राम
झुन्डाएको दही १–२ कप
काँक्राको स्लाइस १० वटा
गोलभेडाको स्लाइस १० वटा
सलादको पात २ वटा
पकाउने तेल आवश्यकता
सुकाएको ओरिगानो १–२ चिया चम्चा
कागतीको रस १ ठूलो चम्चा
तोरीको पेस्ट १ ठूलो चम्चा
लसुन अदुवाको पेस्ट १ ठूलो चम्चा
जैतुनको तेल २ चिया चम्चा
मरिच १–२ चिया चम्चा
नुन आवश्कताअनुसार
विधि
१. माछालाई काटेर कागती, तोरीको पेस्ट, लसुन– अदुवाको पेस्ट, जैतुनको तेल अनि नुन राखेर मोल्नुहोस् र आधा घण्टा जति राख्नुहोस् ।
२. प्यान तताएर तेल राख्नुहोस्, माछाको दुवैतर्फ ओरिगानो राख्नुहोस् र दुवैतर्फ ३÷३ मिनेट रातो हुनेगरी पकाउनुहोस् ।
३. अन्तमा दही र काँक्रोको स्लाइस मिलाएर एकातर्फ राख्नुहोस् अनि गोलभेडालाई अर्को साइडमा राखी बीचमा माछा र माथिबाट सलादको पत्ताले सजाउनुहोस्।
सुलाराज कक्टेल
आवश्यक सामग्री
सुलाड्राइ स्पाक्लिन वाइन
अरेन्ज जुस
सोडा
कम्पारी
मौसम
विधि
१. गिलासमा २–३ टुक्रा बरफ राख्नुस्
२. त्यसमा अरेन्ज जुस, सुलाड्राइ स्पाक्लिन वाइन, सोडा, कम्पारी पौलैपालो मिसाउनुस्
३. मौसमको टुक्राले सजाउनुस्
आवश्यकताअनुसार जतिबेला पनि स्वाद लिन सकिन्छ।
nagariknews.nagariknetwork.com