हेर्नुहोस् कालीमाटी बजारमा गोलभेडादेखि माछासम्मको आजको ताजा मूल्यसूची

काठमाडौँ, १२ वैशाख। कालीमाटी फलफूल तथा तरकारी बजार विकास समितिले शनिबारका लागि कृषि उपजहरूको नयाँ मूल्यसूची सार्वजनिक गरेको छ।

समितिका अनुसार आजको बजारमा भारतीय ठूलो गोलभेडाको न्यूनतम मूल्य प्रतिकिलो रू ७५ र अधिकतम रू ८० तोकिएको छ। यस्तै, सानो लोकल गोलभेडा रू ४५ देखि रू ५२ सम्ममा कारोबार भइरहेको छ भने सानो भारतीय गोलभेडा रू ४५ देखि रू ५५ र सानो तराई गोलभेडा प्रतिकिलो रू ५० देखि रू ६० सम्ममा बिक्री भइरहेको छ।

त्यसैगरी, रातो आलुको न्यूनतम मूल्य रू २० र अधिकतम रू २५ कायम गरिएको छ भने भारतीय रातो आलु रू २३ देखि रू २५ सम्ममा उपलब्ध छ। सुकेको भारतीय प्याजको मूल्य रू ३३ देखि रू ३६ तोकिएको छ। स्थानीय गाजर प्रतिकिलो रू ४५ देखि रू ५५ र तराईको गाजर रू २० देखि रू ३० सम्म पाइन्छ। यस्तै, स्थानीय बन्दा रू ४० देखि रू ५० र तराईको बन्दा रू ३० देखि रू ३५ सम्म रहेको छ।

समितिका अनुसार स्थानीय काउलीको मूल्य रू ३० देखि रू ४० सम्म तोकिएको छ भने ज्यापु काउली रू ३५ देखि रू ४५ मा बिक्री भइरहेको छ। लोकल काँक्रो रू ३० देखि रू ५०, हाइब्रिड काँक्रो रू २० देखि रू ३० र लोकलक्रस काँक्रो रू ५० देखि रू ६० सम्म रहेको छ। सेतो हाइब्रिड मूला रू २० देखि रू ३०, लाम्चो भन्टा रू ४० देखि रू ५० र डल्लो भन्टा रू ५० देखि रू ६० सम्म कायम गरिएको छ।

यसैगरी, तने बोडी प्रतिकिलो रू ३० देखि रू ५० र मटरकोशा रू ६० देखि रू ७० मा पाइन्छ। सिमीको कुरा गर्दा स्थानीय घिउ सिमी रू १० देखि रू ३०, हाइब्रिड घिउ सिमी रू २५ देखि रू ३५ र राजमा सिमी रू १०० देखि रू ११० सम्म तोकिएको छ। टाटे सिमी रू १२० देखि रू १३० र भटमासकोशा रू १२० देखि रू १६० सम्म रहेको छ। यस्तै, तितो करेला रू ५० देखि रू ७०, लौका रू १० देखि रू २०, लोकल तथा तराईको परवर रू ७० देखि रू ८०, चिचिण्डो रू ४० देखि रू ५० र घिरौला रू ३० देखि रू ४० सम्ममा कारोबार भइरहेको छ।

बजारमा पाकेको फर्सीको मूल्य रू ५५ देखि रू ६० तोकिएको छ भने हरियो लाम्चो फर्सी रू १५ देखि रू २५ र डल्लो हरियो फर्सी रू २० देखि रू ३० सम्म छ। त्यसैगरी, भिण्डी रू ६० देखि रू ८०, सखरखण्ड रू ६० देखि रू ७०, बरेला रू ५५ देखि रू ६५, पिंडालू रू ४० देखि रू ५० र स्कूस प्रतिकिलो रू ५० देखि रू ६० सम्ममा बिक्री भइरहेको छ।

सागपातको मूल्यतर्फ रायो साग रू ३० देखि रू ६०, पालूगो साग रू ९० देखि रू १००, चमसूरको साग रू ७० देखि रू ८०, तोरीको साग रू ३० देखि रू ४० र मेथीको साग रू ७० देखि रू ८० सम्म तोकिएको छ। यस्तै, हरियो प्याज रू ५० देखि रू ७०, जिरीको साग रू ७० देखि रू ८०, सौफको साग रू ७० देखि रू ८० र पुदीना रू ९० देखि रू १०० सम्म पुगेको छ। अन्य साग तथा तरकारीमा बकूला रू ४० देखि रू ६०, सेलरी रू १६० देखि रू १८०, पार्सले रू १७० देखि रू १९० र गान्टे मूला रू ४० देखि रू ५० सम्म रहेको छ।

च्याउको मूल्य हेर्दा कन्य च्याउ प्रतिकिलो रू २२० देखि रू २५०, डल्ले च्याउ रू ३५० देखि रू ४००, राजा च्याउ रू २८० देखि रू ३०० र सिताके च्याउ रू ८०० देखि रू १००० सम्म कायम गरिएको छ। त्यसैगरी, कुरीलो रू ३५० देखि रू ४५०, न्यूरो रू ७० देखि रू ८०, ब्रोकाउली रू ५० देखि रू ६०, चुकुन्दर रू ४० देखि रू ५०, कोइरालो रू २५० देखि रू ३०० र रातो बन्दा रू ४० देखि रू ५० सम्म तोकिएको छ। ग्याठ कोबी रू ४० देखि रू ५०, इमली रू १७० देखि रू १८०, तामा रू १३० देखि रू १५०, तोफु रू १३० देखि रू १५० र गुन्दुक रू २२० देखि रू २५० सम्ममा पाइन्छ।

फलफूलतर्फ झोले स्याउ रू २२० देखि रू २५०, फूजी स्याउ रू २५० देखि रू ३००, केरा प्रति दर्जन रू २०० देखि रू २५० र कागती प्रतिकिलो रू ३७० देखि रू ३९० सम्म तोकिएको छ। अनारको मूल्य रू ३८० देखि रू ४००, हरियो अंगुर रू २२० देखि रू २४०, कालो अंगुर रू ३६० देखि रू ३८० र हरियो तरबुजा रू ३५ देखि रू ४५ सम्म रहेको छ। त्यसैगरी, भुई कटहर प्रति गोटा रू २२० देखि रू २५०, रुख कटहर रू ६० देखि रू ८०, चिनियाँ नासपाती रू २३० देखि रू २५०, नेपाली मेवा रू ७० देखि रू ८० र भारतीय मेवा रू ७५ देखि रू ९० सम्म पाइन्छ। किवि प्रतिकिलो रू ४०० देखि रू ४५० र आभोकाडो रू ७०० देखि रू ८०० सम्म तोकिएको छ।

अदुवा प्रतिकिलो रू ८० देखि रू १००, सुकेको खुर्सानी रू ४०० देखि रू ४५०, हरियो खुर्सानी रू ८० देखि रू १००, बुलेट खुर्सानी रू ५० देखि रू ७०, माछे खुर्सानी रू ७० देखि रू ८० र अकबरे खुर्सानी रू ४०० देखि रू ५०० सम्म रहेको छ। भेडे खुर्सानी रू ९० देखि रू १००, हरियो लसुन रू १८० देखि रू २००, चिनियाँ सुकेको लसुन रू १९० देखि रू २००, नेपाली सुकेको लसुन रू १०० देखि रू १३० र सुकेको छ्यापी रू १०० देखि रू १२० तथा हरियो छ्यापी रू ८० देखि रू ९० सम्म तोकिएको छ।

अन्त्यमा, माछाको मूल्यतर्फ सुकेको माछा प्रतिकिलो रू ८०० देखि रू १००० सम्म कायम गरिएको छ। ताजा माछा रहु रू ३२० देखि रू ३४०, बचुवा माछा रू ३०० देखि रू ३१० र छडी माछा रू २८० देखि रू ३०० सम्ममा बिक्री भइरहेको कालीमाटी फलफूल तथा तरकारी बजार विकास समितिले जनाएको छ।