आज कालीमाटीमा के – को मूल्य कति ? हेर्नुहोस् माछा, फलफूल तथा तरकारीको पूर्ण मूल्यसूची

काठमाडौँ, ७ भदौ । कालिमाटी फलफूल तथा तरकारी बजार विकास समितिले आइतबारका लागि कृषि उपजहरूको नयाँ थोक मूल्यसूची सार्वजनिक गरेको छ।

समितिका अनुसार आज नेपाली ठूलो गोलभेडाको प्रतिकिलो न्यूनतम मूल्य ८० देखि अधिकतम ९० रुपैयाँसम्म तोकिएको छ भने भारतीय ठूलो गोलभेडा न्यूनतम ९० देखि अधिकतम १०० रुपैयाँमा कारोबार भइरहेको छ । सानो स्थानीय गोलभेडा ४० देखि ५० रुपैयाँ र सानो टनेल गोलभेडा ५५ देखि ७३ रुपैयाँको बीचमा बिक्री भइरहेको छ ।

आलुतर्फ रातो आलु (लाम्चो) न्यूनतम ४८ देखि ५१ रुपैयाँ, रातो आलु (गोलो) ४८ देखि ५३ रुपैयाँ, र मुडेको रातो आलु पनि ४८ देखि ५३ रुपैयाँमा पाइन्छ । भारतीय रातो आलु ३८ देखि ४० रुपैयाँ र सेतो आलु ३५ देखि ३८ रुपैयाँ तोकिएको छ । सुकेको भारतीय प्याजको मूल्य ७५ देखि ८० रुपैयाँ कायम गरिएको छ ।

त्यसैगरी, स्थानीय गाजर १०० देखि १२० रुपैयाँ र तराईको गाजर ७० देखि ८० रुपैयाँमा उपलब्ध छ । स्थानीय बन्दा ४० देखि ५० रुपैयाँ, स्थानीय काउली ९० देखि ११० रुपैयाँ र स्थानीय काँक्रो ४० देखि ५० रुपैयाँमा बिक्री भइरहेको छ । हाइब्रिड काँक्रो १० देखि २० रुपैयाँ र लोकलक्रस काँक्रो ४० देखि ५० रुपैयाँमा पाइन्छ । रातो मूला २० देखि ३० रुपैयाँ र हाइब्रिड सेतो मूला २५ देखि ३५ रुपैयाँ तोकिएको छ ।

समितिका अनुसार लाम्चो भन्टा ३० देखि ४० रुपैयाँ र डल्लो भन्टा ५० देखि ६० रुपैयाँमा कारोबार भइरहेको छ । तने बोडी ८० देखि ९० रुपैयाँ, मकै बोडी १०० देखि १२० रुपैयाँ, स्थानीय घिउ सिमी ८० देखि १०० रुपैयाँ र हाइब्रिड घिउ सिमी पनि ८० देखि १०० रुपैयाँमा पाइन्छ । टाटे सिमी ७० देखि ८० रुपैयाँ र भटमास कोशा १०० देखि १३० रुपैयाँमा बिक्री भइरहेको छ ।

त्यसैगरी, तितो करेला ४० देखि ५० रुपैयाँ, लौका ५० देखि ६० रुपैयाँ, स्थानीय र तराईको परवर ७० देखि ८० रुपैयाँ, चिचिण्डो २० देखि ३० रुपैयाँ, घिरौला २० देखि ३० रुपैयाँ र झिगूनी ६० देखि ७० रुपैयाँ तोकिएको छ । पाकेको फर्सी ५० देखि ६० रुपैयाँ, डल्लो हरियो फर्सी ५० देखि ६० रुपैयाँ, भिण्डी ४० देखि ५० रुपैयाँ, पिंडालू ७० देखि ८० रुपैयाँ र स्कूस ५० देखि ६० रुपैयाँमा उपलब्ध छ ।

सागसब्जीतर्फ रायोको साग १०० देखि १५० रुपैयाँ, पालूगो साग २०० देखि २५० रुपैयाँ, तोरीको साग ८० देखि १०० रुपैयाँ र हरियो प्याज १०० देखि १५० रुपैयाँ तोकिएको छ । कन्य च्याउ २५० देखि ३०० रुपैयाँ, डल्ले च्याउ ४५० देखि ५०० रुपैयाँ, राजा च्याउ ३०० देखि ३३० रुपैयाँ र सिताके च्याउ ८०० देखि १००० रुपैयाँ कायम गरिएको छ ।

समितिका अनुसार कुरीलो ४०० देखि ५०० रुपैयाँ, न्यूरो ९० देखि १०० रुपैयाँ, ब्रोकाउली १४० देखि १६० रुपैयाँ, चुकुन्दर ६० देखि ७० रुपैयाँ, सजिवन २०० देखि २५० रुपैयाँ, रातो बन्दा ३० देखि ४० रुपैयाँ र जिरीको साग ४०० देखि ५०० रुपैयाँमा पाइन्छ । सेलरी २०० देखि २५० रुपैयाँ, पार्सले १४०० देखि १५०० रुपैयाँ, सौफको साग १०० देखि १५० रुपैयाँ, पुदीना ४०० देखि ५०० रुपैयाँ, गान्टे मूला १०० देखि १५० रुपैयाँ, इमली १६० देखि १८० रुपैयाँ, तामा १४० देखि १६० रुपैयाँ, तोफु १४० देखि १६० रुपैयाँ र गुन्दुक ३०० देखि ३५० रुपैयाँ तोकिएको छ ।

फलफूलतर्फ रुख टमाटर २५० देखि ३०० रुपैयाँ, फूजी स्याउ ३०० देखि ३५० रुपैयाँ, नेपाली केरा प्रतिदर्जन २५० देखि ३०० रुपैयाँ र मालभोग केरा १८० देखि २०० रुपैयाँमा पाइन्छ । कागती २५० देखि ३०० रुपैयाँ, अनार २५० देखि ३०० रुपैयाँ, मालदह आँप २५० देखि २८० रुपैयाँ, चोसा आँप २३० देखि २५० रुपैयाँ, हरियो तरबुजा ५० देखि ६० रुपैयाँ र जुनार १५० देखि २०० रुपैयाँ तोकिएको छ ।

त्यसैगरी, भुई कटहर प्रतिगोटा १८० देखि २०० रुपैयाँ, रुख कटहर ५० देखि ६० रुपैयाँ, स्थानीय नासपाती ८० देखि ९० रुपैयाँ, चाइनिज नासपाती २०० देखि २५० रुपैयाँ, नेपाली मेवा ७० देखि ८० रुपैयाँ, भारतीय मेवा ९० देखि १०० रुपैयाँ, लप्सी ५० देखि ६० रुपैयाँ, किवि ३५० देखि ४०० रुपैयाँ, आभोकाडो २०० देखि २५० रुपैयाँ र अमला १५० देखि २०० रुपैयाँमा उपलब्ध छ । काँचो नरिवल ६० देखि ८० रुपैयाँ, हरियो नरिवल १५० देखि १७० रुपैयाँ र नेपाली ड्रागन फ्रुट ४०० देखि ५०० रुपैयाँमा बिक्री भइरहेको छ ।

अदुवा २०० देखि २३० रुपैयाँ, सुकेको खुर्सानी ५०० देखि ५५० रुपैयाँ, हरियो लाम्चो र बुलेट खुर्सानी ६० देखि ७० रुपैयाँ, माछे खुर्सानी ४० देखि ५० रुपैयाँ र अकबरे हरियो खुर्सानी २०० देखि ३०० रुपैयाँ तोकिएको छ । भेडे खुर्सानी ४० देखि ५० रुपैयाँ, हरियो लसुन १०० देखि १५० रुपैयाँ, हरियो धनिया ४०० देखि ५०० रुपैयाँ, सुकेको चाइनिज लसुन २०० देखि २३० रुपैयाँ र सुकेको नेपाली लसुन १८० देखि २०० रुपैयाँमा पाइन्छ । सुकेको र हरियो दुवै छ्यापी १८० देखि २०० रुपैयाँमा कारोबार भइरहेको छ ।

माछातर्फ सुकेको माछा ८०० देखि १००० रुपैयाँ, ताजा रहु माछा ३४० देखि ३७० रुपैयाँ, बचुवा माछा ३०० देखि ३४० रुपैयाँ र छडी माछा ३२० देखि ३५० रुपैयाँ प्रतिकिलो तोकिएको समितिले जनाएको छ ।