मुस्ताङको स्याउ किलोको रु १३०, बजारमा ४०० हाराहारी – कालीमाटीको मूल्यसूचीले उपभोक्तालाई नै चकित पार्यो
काठमाडौँ, ७ असोज । कालीमाटी फलफूल तथा तरकारी बजार विकास समितिले बुधबारका लागि विभिन्न कृषि उपजको नयाँ मूल्यसूची सार्वजनिक गरेको छ।
सामान्यतया उच्च मूल्यमा बिक्री हुने मुस्ताङको स्याउ कालीमाटी फलफूल तथा तरकारी बजार विकास समितिको मूल्यसूचीमा भने प्रतिकिलो रु १३० देखि १६० मात्रै देखिएपछि मूल्यलाई लिएर अन्योल देखिएको छ। समितिको मूल्यसूचीमा मुस्ताङको स्याउभन्दा जुम्लाको स्याउ महँगो देखिए पनि बजारमा भने अवस्था उल्टो रहेको बताइएको छ।
समितिले बुधबारका लागि सार्वजनिक गरेको मूल्यसूचीअनुसार स्याउ मुस्ताङ प्रतिकिलो रु १३० देखि १६० तथा स्याउ जुम्ला रु २५० देखि ३५० मा रहेको छ। तर बजारमा भने मुस्ताङको स्याउ प्रतिकिलो रु ४०० हाराहारीमा किनबेच भइरहेको बताइएको छ। त्यस्तै, जुम्लाको स्याउ रु २०० हाराहारीमा बिक्री भइरहेको अवस्थामा समितिको आधिकारिक मूल्यसूची र बजारमा भइरहेको कारोबार मूल्यबीच ठूलो अन्तर देखिएको हो।
मूल्यसूचीअनुसार जुम्लाको स्याउ मुस्ताङको भन्दा प्रतिकिलो रु ९० देखि १९० सम्म महँगो देखिन्छ। तर बजारमा भने मुस्ताङको स्याउ नै जुम्लाको स्याउभन्दा महँगोमा बिक्री भइरहेको बताइएको छ। यसले कालीमाटी बजारको मूल्यसूचीमा उल्लेख भएको दर र वास्तविक बजार कारोबारबीच किन यति ठूलो अन्तर देखियो भन्ने प्रश्नसमेत उठाएको छ।
विशेषगरी किसानले उत्पादन गरेको स्याउ बजारमा कुन मूल्यमा बिक्री भइरहेको छ र उपभोक्ताले कति मूल्य तिर्नुपरिरहेको छ भन्ने विषयमा यस्तो फरक मूल्यले थप अन्योल सिर्जना गरेको छ। आधिकारिक मूल्यसूचीमै मुस्ताङ र जुम्लाको स्याउको मूल्यमा ठूलो अन्तर देखिनु तथा बजारमा त्यसको विपरीत मूल्य कायम हुनुको कारणबारे स्पष्टता आवश्यक देखिएको छ।
समितिका अनुसार गोलभेडा ठूलो नेपाली प्रतिकेजी न्यूनतम ६० रुपैयाँदेखि अधिकतम ७० रुपैयाँ, गोलभेडा ठूलो भारतीय ७० देखि ८० रुपैयाँ र गोलभेडा सानो लोकल ४५ देखि ५२ रुपैयाँमा कारोबार भइरहेको छ। यसैगरी, गोलभेडा सानो टनेल ५२ देखि ७० रुपैयाँ तथा गोलभेडा सानो भारतीय ५० देखि ६० रुपैयाँ प्रतिकेजी कायम गरिएको छ।
आलु रातो लाम्चो प्रतिकेजी ५२ देखि ५७ रुपैयाँ, रातो आलु गोलो ४८ देखि ५३ रुपैयाँ, आलु रातो मुडे ४८ देखि ५३ रुपैयाँ र आलु रातो भारतीय ४५ देखि ४८ रुपैयाँ रहेको समितिले जनाएको छ। त्यसैगरी सुकेको भारतीय प्याज प्रतिकेजी ८५ देखि ९३ रुपैयाँमा बिक्री भइरहेको छ।
यसैगरी, गाजर लोकल प्रतिकेजी १०० देखि १२० रुपैयाँ र गाजर तराई ८० देखि ९० रुपैयाँ रहेको छ। बन्दा लोकल ४० देखि ५० रुपैयाँ तथा काउली स्थानीय १०० देखि १२० रुपैयाँ प्रतिकेजी कायम गरिएको छ।
काक्रो लोकल प्रतिकेजी ३० देखि ४० रुपैयाँ, काक्रो हाइब्रीड १५ देखि २५ रुपैयाँ र काक्रो लोकलक्रस ३० देखि ५० रुपैयाँ रहेको छ। त्यसैगरी, मूला रातो ३० देखि ४० रुपैयाँ र सेतो मूला हाइब्रीड ५० देखि ६० रुपैयाँ प्रतिकेजीमा कारोबार भइरहेको छ।
समितिका अनुसार भन्टा लाम्चो प्रतिकेजी ३० देखि ४० रुपैयाँ र भन्टा डल्लो ४० देखि ५० रुपैयाँ रहेको छ। बोडी तने ४० देखि ६० रुपैयाँ तथा मकै बोडी ९० देखि १०० रुपैयाँ प्रतिकेजी कायम गरिएको छ।
यसैगरी, घिउ सिमी लोकल प्रतिकेजी ६० देखि ७० रुपैयाँ र घिउ सिमी हाइब्रीड पनि ६० देखि ७० रुपैयाँ रहेको छ। टाटे सिमी ७० देखि ८० रुपैयाँ तथा भटमासकोशा ९० देखि १२० रुपैयाँ प्रतिकेजी रहेको छ।
तितो करेला प्रतिकेजी ६० देखि ७० रुपैयाँ, लौका ५० देखि ६० रुपैयाँ, परवर लोकल ६० देखि ७० रुपैयाँ र परवर तराई पनि ६० देखि ७० रुपैयाँ रहेको समितिले जनाएको छ।
यसैगरी, चिचिण्डो प्रतिकेजी २० देखि ३० रुपैयाँ, घिरौला ३० देखि ४० रुपैयाँ र झिगूनी ५० देखि ६० रुपैयाँ रहेको छ। फर्सी पाकेको ६० देखि ७० रुपैयाँ, फर्सी हरियो लाम्चो ८० देखि ९० रुपैयाँ र हरियो फर्सी डल्लो ३० देखि ४० रुपैयाँ प्रतिकेजी कायम गरिएको छ।
भिण्डी प्रतिकेजी ५० देखि ६० रुपैयाँ र पिंडालू ६० देखि ७० रुपैयाँ रहेको छ भने स्कूस प्रतिकेजी १० देखि २० रुपैयाँमा कारोबार भइरहेको छ।
सागपाततर्फ रायो साग प्रतिकेजी ८० देखि १०० रुपैयाँ, पालुंगो साग ८० देखि १२० रुपैयाँ र तोरीको साग ५० देखि ८० रुपैयाँ रहेको छ। त्यसैगरी, हरियो प्याज प्रतिकेजी १५० देखि २०० रुपैयाँ कायम गरिएको छ।
च्याउतर्फ कन्य च्याउ प्रतिकेजी २०० देखि २४० रुपैयाँ, डल्ले च्याउ ४५० देखि ५०० रुपैयाँ, राजा च्याउ ३०० देखि ३३० रुपैयाँ र सिताके च्याउ ८०० देखि १ हजार रुपैयाँसम्म रहेको समितिले जनाएको छ।
यसैगरी, कुरीलो प्रतिकेजी ५०० देखि ६०० रुपैयाँ, न्यूरो ९० देखि १०० रुपैयाँ र ब्रोकाउली २५० देखि ३०० रुपैयाँ रहेको छ। चुकुन्दर ६० देखि ७० रुपैयाँ तथा सजिवन २०० देखि २५० रुपैयाँ प्रतिकेजी कायम गरिएको छ।
रातो बन्दा प्रतिकेजी ४० देखि ५० रुपैयाँ, जिरीको साग १०० देखि १५० रुपैयाँ र सेलरी २५० देखि ३५० रुपैयाँ रहेको छ। यसैगरी, पार्सले प्रतिकेजी २ हजार ४०० देखि २ हजार ८०० रुपैयाँसम्म पुगेको छ।
सौफको साग प्रतिकेजी ८० देखि १२० रुपैयाँ र पुदीना ६०० देखि ७०० रुपैयाँ रहेको छ। गान्टे मूला ८० देखि १२० रुपैयाँ, इमली १६० देखि १८० रुपैयाँ र तामा १४० देखि १६० रुपैयाँ प्रतिकेजी कायम गरिएको छ।
तोफु प्रतिकेजी १४० देखि १६० रुपैयाँ र गुन्दुक ३०० देखि ३५० रुपैयाँ रहेको छ। यसैगरी, रुख टमाटर १०० देखि १५० रुपैयाँ प्रतिकेजीमा कारोबार भइरहेको छ।
फलफूलतर्फ स्याउ फूजी प्रतिकेजी ३०० देखि ३५० रुपैयाँ, स्याउ जुम्ला २५० देखि ३५० रुपैयाँ र स्याउ मुस्ताङ १३० देखि १६० रुपैयाँ रहेको छ। केरा नेपाली दर्जनको १५० देखि २०० रुपैयाँ र केरा मालभोग दर्जनको १०० देखि १५० रुपैयाँ कायम गरिएको छ।
यसैगरी, कागती प्रतिकेजी २०० देखि ३०० रुपैयाँ, अनार ३०० देखि ३५० रुपैयाँ र हरियो तरबुजा ६० देखि ७० रुपैयाँ रहेको छ। मौसम १०० देखि १५० रुपैयाँ तथा जुनार १५० देखि २०० रुपैयाँ प्रतिकेजी रहेको समितिले जनाएको छ।
भुईँ कटहर प्रतिगोटा १५० देखि २०० रुपैयाँ र रुख कटहर प्रतिकेजी ४० देखि ५० रुपैयाँ रहेको छ। त्यसैगरी, निबुवा ५० देखि ६० रुपैयाँ, नासपाती लोकल ९० देखि १०० रुपैयाँ र नासपाती चाइनिज २०० देखि २५० रुपैयाँ प्रतिकेजी कायम गरिएको छ।
मेवा नेपाली प्रतिकेजी ७० देखि ८० रुपैयाँ र मेवा भारतीय १०० देखि १२० रुपैयाँ रहेको छ। यसैगरी, अम्बा १५० देखि २०० रुपैयाँ, लप्सी ५० देखि ६० रुपैयाँ र किवी ३५० देखि ४०० रुपैयाँ प्रतिकेजी रहेको छ।
त्यसैगरी, शरीफा प्रतिकेजी २०० देखि २५० रुपैयाँ, आभोकाडो ३०० देखि ३५० रुपैयाँ र अमला ८० देखि १०० रुपैयाँ रहेको छ। नरिवल काँचो ६० देखि ८० रुपैयाँ तथा नरिवल हरियो १५० देखि १७० रुपैयाँ प्रतिकेजी कायम गरिएको छ। ड्रागन फ्रुट नेपाली प्रतिकेजी ५०० देखि ६०० रुपैयाँ रहेको छ।
यसैगरी, अदुवा २०० देखि २३० रुपैयाँ, सुकेको खुर्सानी ५०० देखि ५५० रुपैयाँ र हरियो खुर्सानी लाम्चो ८० देखि ९० रुपैयाँ प्रतिकेजी रहेको समितिले जनाएको छ।
हरियो खुर्सानी बुलेट प्रतिकेजी ८० देखि ९० रुपैयाँ, हरियो खुर्सानी माछे ९० देखि १०० रुपैयाँ तथा हरियो खुर्सानी अकबरे ८० देखि १५० रुपैयाँ रहेको छ। भेडे खुर्सानी ८० देखि ९० रुपैयाँ प्रतिकेजी कायम गरिएको छ।
हरियो लसुन प्रतिकेजी २०० देखि ३०० रुपैयाँ, हरियो धनिया १०० देखि १५० रुपैयाँ, सुकेको चाइनिज लसुन २२० देखि २६० रुपैयाँ र सुकेको नेपाली लसुन २०० देखि २२० रुपैयाँ रहेको छ।छ्यापी सुकेको प्रतिकेजी १८० देखि २०० रुपैयाँ र छ्यापी हरियो १५० देखि २०० रुपैयाँ रहेको छ।
त्यसैगरी, सुकेको माछा प्रतिकेजी ८०० देखि १ हजार रुपैयाँमा कारोबार भइरहेको छ। रहु माछा प्रतिकेजी ३४० देखि ३७० रुपैयाँ, बचुवा माछा ३०० देखि ३४० रुपैयाँ र छडी माछा ३२० देखि ३५० रुपैयाँ कायम गरिएको समितिले जनाएको छ।