जाजरकोटमा चट्याङ लागेर एक बालकको मृत्यु
जाजरकोट : जाजरकोटमा चट्याङ लागेर एक बालकको मृत्यु भएको छ ।
जिल्लाको छेडागाड नगरपालिका– १० खलटाकुराका १३ बर्षीय राजु परियारको चट्याङ लागेर मृत्यु भएको राम माध्यमिक विद्यालयका शिक्षक हेमन्त खत्रीले जानकारी दिनुभयो ।
उनलाई आज दिउँसो बाख्रा चराउन जङ्गल गएको समयमा चट्याङ लागेको थियो ।
मृतक बालक राम माध्यमिक विद्यालय खलटाकुरामा कक्षा ८ मा अध्ययनरत थिए ।