अलैंचीले महकायो नेपाली अर्थतन्त्र, ७ अर्ब ६७ करोडको निर्यातसँगै तेस्रो स्थानमा
काठमाडौं। नेपाली अलैंचीले अन्तर्राष्ट्रिय बजारमा आफ्नो बलियो उपस्थिति जनाउँदै देशको तेस्रो प्रमुख निर्यात वस्तु बन्न सफल भएको छ। भन्सार विभागको पछिल्लो तथ्यांक अनुसार, गत आर्थिक वर्ष २०८१/८२ मा नेपालबाट ७ अर्ब ६७ करोड रुपैयाँ बराबरको अलैंची निर्यात भएको हो।
पूर्वी पहाडी जिल्लाहरूमा उत्पादित यो नगदे बालीले हजारौं किसानको जीवनस्तर उकास्नुका साथै देशको अर्थतन्त्रमा समेत महत्वपूर्ण टेवा पुर्याएको छ। अन्तर्राष्ट्रिय बजारमा बढ्दो मागले अलैंचीको निर्यातलाई थप उत्साहजनक बनाएको हो, जसले घट्दो व्यापार घाटालाई कम गर्न पनि मद्दत गरेको छ। विज्ञहरूले यसको उत्पादन र बजारीकरणमा थप ध्यान दिन सके अलैंचीले देशको अर्थतन्त्रमा अझ ठूलो योगदान दिन सक्ने बताएका छन्।