कालीमाटी बजारमा कृषि उपजको नयाँ मूल्य निर्धारण: जान्नुहोस् कुन वस्तुको मूल्य कति ?

काठमाडौँ, ०६ जेठ ।

समितिका अनुसार आज नेपाली ठूलो गोलभेडाको न्यूनतम मूल्य प्रतिकेजी ६५ रुपैयाँ र अधिकतम ७५ रुपैयाँ तोकिएको छ भने भारतीय ठूलो गोलभेडा ७० देखि ८० रुपैयाँमा कारोबार भइरहेको छ। यस्तै, सानो लोकल गोलभेडा न्यूनतम ५० देखि ५८ रुपैयाँ र टनेलको सानो गोलभेडा ६८ देखि ७८ रुपैयाँसम्म पुगेको छ। भारतीय सानो गोलभेडा ५० देखि ६० र तराईको सानो गोलभेडा ४२ देखि ५२ रुपैयाँमा पाइन्छ। आलुतर्फ रातो लाम्चो आलुको मूल्य २५ देखि ३० रुपैयाँ र रातो गोलो आलु २२ देखि २४ रुपैयाँ कायम गरिएको छ। त्यसैगरी, भारतीय सुकेको प्याज प्रतिकेजी ३५ देखि ३७ रुपैयाँमा बिक्री भइरहेको छ।

यसैगरी, लोकल गाजर ५० देखि ६० रुपैयाँ, लोकल बन्दा ३० देखि ४० र स्थानीय काउली ३० देखि ५० रुपैयाँ प्रतिकेजीमा उपलब्ध छ। काक्रो (लोकल) ४० देखि ५० रुपैयाँ, हाइब्रीड काक्रो २० देखि ३० र लोकलक्रस ३० देखि ५० रुपैयाँमा खरिद-बिक्री भइरहेको छ। समितिका अनुसार सेतो हाइब्रीड मूला न्यूनतम १४ देखि २५ रुपैयाँ, लाम्चो भन्टा ३० देखि ४५ र डल्लो भन्टा ४५ देखि ५५ रुपैयाँमा पाइन्छ।

तने बोडीको मूल्य ४० देखि ६० रुपैयाँ र मकै बोडी ८० देखि ९० रुपैयाँ रहेको छ। यस्तै, लोकल घिउ सिमी ७० देखि ८०, हाइब्रीड घिउ सिमी ५० देखि ७० र भटमासकोशा १२० देखि १३० रुपैयाँ पुगेको छ। तितो करेला ५० देखि ७०, लौका ३५ देखि ५०, लोकल र तराईको परवर ४५ देखि ५५ रुपैयाँको बीचमा छ। त्यसैगरी चिचिण्डो ३० देखि ४५ र घिरौला ४० देखि ५० रुपैयाँमा उपलब्ध छ।

झिगूनीको मूल्य ६५ देखि ७५ रुपैयाँ, पाकेको फर्सी ५० देखि ६०, हरियो लाम्चो फर्सी ३० देखि ४० र डल्लो फर्सी २५ देखि ३५ रुपैयाँ कायम गरिएको छ। भिण्डी ३५ देखि ४५, सखरखण्ड ६० देखि ७० र पिंडालू ४० देखि ५० रुपैयाँमा बिक्री भइरहेको छ।

सागपाततर्फ रायोको साग ७० देखि ९० रुपैयाँ, पालूगो साग १०० देखि १२०, चमसूरको साग ११० देखि १२० र तोरीको साग ३० देखि ४० रुपैयाँमा पाइन्छ। मेथीको साग ९० देखि १०० र हरियो प्याज १०० देखि १५० रुपैयाँमा कारोबार भइरहेको छ।

यसैगरी, च्याउतर्फ कन्य च्याउ १४० देखि १७०, डल्ले च्याउ ३०० देखि ३५०, राजा च्याउ २८० देखि ३०० र सिताके च्याउ ८०० देखि १००० रुपैयाँसम्म तोकिएको छ। कुरीलो ३०० देखि ३३०, न्यूरो ७० देखि ८०, ब्रोकाउली ७० देखि १०० र चुकुन्दर ५० देखि ६० रुपैयाँमा पाइन्छ।

समितिका अनुसार सजिवन १०० देखि १२०, रातो बन्दा ४० देखि ५० र जिरीको साग ९० देखि १०० रुपैयाँ छ। सेलरी १२० देखि १३०, पार्सले २५० देखि ३००, सौफको साग र पुदीना समान ९० देखि १०० रुपैयाँमा उपलब्ध छन्। गान्टे मूला ४० देखि ६०, इमली १७० देखि १८०, तामा र तोफु १३० देखि १५० र गुन्दुक २०० देखि ३०० रुपैयाँ प्रतिकेजीमा बिक्री भइरहेको छ।

फलफूलतर्फ झोले स्याउ २०० देखि २३० र फूजी स्याउ २५० देखि ३०० रुपैयाँ कायम छ। नेपाली केरा प्रतिदर्जन १५० देखि २०० र मालभोग केरा २०० देखि २२० रुपैयाँमा पाइन्छ। कागती प्रतिकेजी २६० देखि २८०, अनार ४०० देखि ४५०, मालदह आँप २०० देखि २५० र हरियो अंगुर ३०० देखि ३२० रुपैयाँ तोकिएको छ। यस्तै हरियो तरबुजा २८ देखि ३८ रुपैयाँ, भुई कटहर प्रतिगोटा २१० देखि २३० र रुख कटहर ६० देखि ७० रुपैयाँमा उपलब्ध छ। नेपाली मेवा ८० देखि ९० र भारतीय मेवा ९० देखि १०० रुपैयाँमा बिक्री हुँदा आभोकाडोको मूल्य ७०० देखि ८०० रुपैयाँसम्म पुगेको छ।

अदुवा १५० देखि १८०, सुकेको खुर्सानी ३८० देखि ४३०, हरियो लाम्चो खुर्सानी ९० देखि १०० र बुलेट खुर्सानी ८० देखि ९० रुपैयाँ तोकिएको छ। माछे खुर्सानी ६५ देखि ७५, भेडे खुर्सानी ६० देखि ७५, हरियो लसुन १७० देखि २०० र हरियो धनिया ६० देखि १०० रुपैयाँमा पाइन्छ। सुकेको चाइनिज लसुन १७५ देखि २००, नेपाली सुकेको लसुन ९० देखि १२० र सुकेको छ्यापी १०० देखि १४० रुपैयाँ कायम छ।

अन्त्यमा, ताजा माछातर्फ रहु ३२० देखि ३३०, बचुवा ३०० देखि ३१० र छडी माछा २५० देखि २६० रुपैयाँ प्रतिकेजीमा बिक्री भइरहेको कालीमाटी फलफूल तथा तरकारी बजार विकास समितिले जनाएको छ।