यस्तो छ आजको तरकारी र फलफूलको बजार मूल्य

काठमाडौँ, ०८ जेठ । कालीमाटी फलफूल तथा तरकारी बजार विकास समितिले शुक्रबारका लागि कृषि उपजहरूको नयाँ थोक मूल्यसूची सार्वजनिक गरेको छ। सार्वजनिक मूल्यसूची अनुसार आज विभिन्न तरकारी, फलफूल र माछाको मूल्यमा केही उतारचढाव देखिएको छ।

समितिका अनुसार आज नेपाली ठूलो गोलभेडाको न्यूनतम मूल्य प्रतिकेजी ६० रुपैयाँ र अधिकतम ७५ रुपैयाँ रहेको छ भने भारतीय ठूलो गोलभेडा ७० देखि ८० रुपैयाँसम्ममा कारोबार भइरहेको छ। यस्तै, सानो लोकल गोलभेडा ३५ देखि ५२ रुपैयाँ, टनेलको गोलभेडा ६० देखि ७२ रुपैयाँ र तराईको सानो गोलभेडा ३२ देखि ४० रुपैयाँमा पाइनेछ।

यसैगरी, रातो लाम्चो आलुको मूल्य २५ देखि ३० रुपैयाँ र गोलो रातो आलु २२ देखि २५ रुपैयाँ तोकिएको छ। भारतीय सुकेको प्याजको मूल्य ३४ देखि ३६ रुपैयाँ कायम गरिएको छ।

त्यसैगरी, लोकल गाजर प्रतिकेजी ५० देखि ६० रुपैयाँ, लोकल बन्दा ३० देखि ४० रुपैयाँ र स्थानीय काउली ३० देखि ५० रुपैयाँमा बिक्री भइरहेको छ। काक्रोको हकमा लोकल ३० देखि ५५ रुपैयाँ, हाइब्रिड २० देखि ३० रुपैयाँ र लोकलक्रस ३० देखि ५० रुपैयाँ मूल्य रहेको छ। यस्तै, सेतो मुला र हाइब्रिड काक्रोको न्यूनतम मूल्य २० रुपैयाँ रहेको छ।

समितिका अनुसार लाम्चो र डल्लो भन्टा ३५ देखि ४५ रुपैयाँको बीचमा छ। तने बोडी २० देखि ४० रुपैयाँ, मकै बोडी ६० देखि ८० रुपैयाँ र मटरकोशा ९० देखि १०० रुपैयाँमा उपलब्ध छ। लोकल घिउ सिमी ७० देखि ८० रुपैयाँ, हाइब्रिड सिमी ५० देखि ७० रुपैयाँ र राजमा सिमी ८० देखि १०० रुपैयाँ पुगेको छ। भटमासकोशा १२० देखि १३० रुपैयाँ, तितो करेला ४० देखि ७० रुपैयाँ र लौका ३० देखि ५० रुपैयाँमा किनबेच भइरहेको छ।

यसैगरी, परवर लोकल ४० देखि ५० रुपैयाँ, तराईको परवर ४० देखि ४५ रुपैयाँ, चिचिण्डो २५ देखि ३५ रुपैयाँ, घिरौला ३५ देखि ५० रुपैयाँ र झिगूनी ५० देखि ६० रुपैयाँ तोकिएको छ। पाकेको फर्सी ५० देखि ६० रुपैयाँ, हरियो लाम्चो फर्सी ३० देखि ४० रुपैयाँ र हरियो डल्लो फर्सी २५ देखि ३५ रुपैयाँमा पाइन्छ। भिण्डी २० देखि ३५ रुपैयाँ, सखरखण्ड ६० देखि ७० रुपैयाँ, पिंडालू ४० देखि ५० रुपैयाँ र स्कूस ६० देखि ७० रुपैयाँमा कारोबार भइरहेको छ।

सागसब्जी अन्तर्गत रायोको साग ५० देखि ८० रुपैयाँ, पालूगो, चमसूर र मेथीको साग प्रतिकेजी १०० देखि १२० रुपैयाँमा बिक्री भइरहेको छ। यस्तै, तोरीको साग ३० देखि ४० रुपैयाँ, हरियो प्याज ९० देखि १२० रुपैयाँ र जिरीको साग ९० देखि १०० रुपैयाँ रहेको छ।

त्यसैगरी, च्याउतर्फ कन्य १८० देखि २०० रुपैयाँ, डल्ले ३५० देखि ४०० रुपैयाँ, राजा च्याउ २८० देखि ३०० रुपैयाँ र महँगो मानिने सिताके च्याउ ८०० देखि १००० रुपैयाँसम्म पुगेको छ। कुरिलो ३०० देखि ३५० रुपैयाँ, न्यूरो ७० देखि ८० रुपैयाँ, ब्रोकाउली ८० देखि १०० रुपैयाँ, चुकुन्दर ५० देखि ६० रुपैयाँ र सजिवन १०० देखि ११० रुपैयाँमा उपलब्ध छ।

यस्तै, रातो बन्दा ३० देखि ४० रुपैयाँ, सेलरी १२० देखि १५० रुपैयाँ, पार्सले २५० देखि ३०० रुपैयाँ, सौफको साग १०० देखि १२० रुपैयाँ, पुदीना ९० देखि १०० रुपैयाँ र गान्टे मूला ४० देखि ६० रुपैयाँमा बिक्री भइरहेको छ।

समितिका अनुसार इमली १७० देखि १८० रुपैयाँ, तामा र तोफु १३० देखि १५० रुपैयाँ तथा गुन्द्रुक २०० देखि ३०० रुपैयाँमा कारोबार भइरहेको छ।

फलफूलतर्फ फूजी स्याउ २५० देखि ३२५ रुपैयाँ, नेपाली केरा प्रतिदर्जन १५० देखि २०० रुपैयाँ र मालभोग केरा २०० देखि २२० रुपैयाँ तोकिएको छ। यस्तै, कागती २४० देखि २६० रुपैयाँ, अनार ४०० देखि ४५० रुपैयाँ, दसहरी आँप २४० देखि २८० रुपैयाँ र हरियो अंगुर ३०० देखि ३२० रुपैयाँ प्रतिकेजी छ। तरबुजा ३० देखि ३५ रुपैयाँ, भुई कटहर प्रतिगोटा २१० देखि २३० रुपैयाँ, रुख कटहर ६० देखि ७० रुपैयाँ र मेवा ८० देखि १०० रुपैयाँसम्ममा पाइन्छ। भारतीय लीच्ची २५० देखि २८० रुपैयाँ र आभोकाडो ७०० देखि ८०० रुपैयाँ पुगेको छ।

अदुवा १४० देखि १६० रुपैयाँ, सुकेको खुर्सानी ३८० देखि ४३० रुपैयाँ, हरियो लाम्चो खुर्सानी ८० देखि १०० रुपैयाँ, बुलेट खुर्सानी ७० देखि ८० रुपैयाँ र माछे खुर्सानी ५० देखि ७० रुपैयाँ तोकिएको छ। भेडे खुर्सानी ५० देखि ६० रुपैयाँ, हरियो लसुन १८० देखि २०० रुपैयाँ, हरियो धनिया ८० देखि १२० रुपैयाँ छ। चिनियाँ सुकेको लसुन १७० देखि १९० रुपैयाँ र नेपाली सुकेको लसुन ९० देखि १२० रुपैयाँमा पाइनेछ भने सुकेको छ्यापी १०० देखि १४० रुपैयाँमा उपलब्ध छ।

माछातर्फ ताजा रहु माछा ३२० देखि ३३० रुपैयाँ, बचुवा २९० देखि ३१० रुपैयाँ र छडी माछा २५० देखि २६० रुपैयाँ प्रतिकेजीमा बिक्री भइरहेको कालीमाटी फलफूल तथा तरकारी बजार विकास समितिले जनाएको छ।