कालीमाटीमा तरकारीदेखि फलफूल र माछासम्मको मूल्यसूची सार्वजनिक, कुन वस्तुको कति ?

काठमाडौँ, ५ असोज । कालीमाटी फलफूल तथा तरकारी बजार विकास समितिले सोमबारका लागि विभिन्न कृषि उपजको नयाँ मूल्यसूची सार्वजनिक गरेको छ।

समितिका अनुसार गोलभेँडा ठूलो नेपालीको मूल्य प्रतिकेजी न्यूनतम रु ६० देखि अधिकतम रु ७० तथा औसत रु ६५ रहेको छ। गोलभेँडा ठूलो भारतीय रु ७० देखि रु ८० सम्म र सानो लोकल रु ३५ देखि रु ४० सम्म रहेको छ। सानो टनेल गोलभेँडा रु ४२ देखि रु ६० तथा सानो भारतीय गोलभेँडा रु ४० देखि रु ५० सम्म रहेको समितिले जनाएको छ।

आलु रातो लाम्चो प्रतिकेजी रु ५२ देखि रु ५५, रातो आलु गोलो रु ४८ देखि रु ५३, रातो आलु मुडे रु ४८ देखि रु ५३ तथा भारतीय रातो आलु रु ४५ देखि रु ४८ सम्म रहेको छ। सुकेको भारतीय प्याजको मूल्य प्रतिकेजी रु ८८ देखि रु ९३ रहेको छ।

गाजर लोकल रु १०० देखि रु १२० र तराईको गाजर रु ८० देखि रु ९० सम्म रहेको छ। बन्दा लोकल रु ५० देखि रु ६० तथा स्थानीय काउली रु १०० देखि रु १२० सम्म रहेको छ। काक्रो लोकल रु ४० देखि रु ५०, हाइब्रीड रु २० देखि रु ३० तथा लोकलक्रस रु ४० देखि रु ६० सम्म रहेको समितिको मूल्यसूचीमा उल्लेख छ।

मूला रातो प्रतिकेजी रु ४० देखि रु ५० तथा सेतो मूला हाइब्रीड रु ५० देखि रु ६० सम्म रहेको छ। लाम्चो भन्टा रु ३० देखि रु ४० र डल्लो भन्टा रु ४० देखि रु ५० सम्म रहेको छ। बोडी तने रु ४० देखि रु ६० तथा मकै बोडी रु ८० देखि रु ९० सम्म रहेको छ।

घिउ सिमी लोकल र हाइब्रीड दुवैको मूल्य प्रतिकेजी रु ७० देखि रु ८० रहेको छ। टाटे सिमी पनि रु ७० देखि रु ८० सम्म रहेको छ। भटमासकोशा रु १०० देखि रु १२०, तितो करेला रु ६० देखि रु ७०, लौका रु ५० देखि रु ६० तथा लोकल र तराई परवर रु ७० देखि रु ८० सम्म रहेको छ।

चिचिण्डो प्रतिकेजी रु २० देखि रु ३०, घिरौला रु ३० देखि रु ४० तथा झिगूनी रु ५० देखि रु ६० सम्म रहेको छ। पाकेको फर्सी रु ६० देखि रु ७०, हरियो लाम्चो फर्सी रु ८० देखि रु ९० तथा हरियो डल्लो फर्सी रु ३० देखि रु ४० सम्म रहेको छ। भिण्डी रु ५० देखि रु ७०, पिंडालू रु ६० देखि रु ७० र स्कूस रु १० देखि रु २० सम्म रहेको समितिले जनाएको छ।

सागपाततर्फ रायो साग र पालुङ्गो साग दुवैको मूल्य प्रतिकेजी रु ८० देखि रु १२० रहेको छ। तोरीको साग रु ५० देखि रु ८०, जिरीको साग रु १०० देखि रु १५०, सौँफको साग रु ८० देखि रु १२०, गान्टे मूला रु ८० देखि रु १२० तथा हरियो धनिया रु १०० देखि रु १५० सम्म रहेको छ। हरियो प्याजको मूल्य प्रतिकेजी रु १५० देखि रु २०० रहेको छ।

च्याउतर्फ कन्य च्याउ रु १८० देखि रु २२०, डल्ले च्याउ रु ४५० देखि रु ५००, राजा च्याउ रु ३०० देखि रु ३३० तथा सिताके च्याउ रु ८०० देखि रु १ हजारसम्म रहेको छ। कुरीलो रु ५०० देखि रु ६०० र न्यूरो रु ९० देखि रु १०० सम्म रहेको समितिको मूल्यसूचीमा उल्लेख छ।

चुकुन्दर प्रतिकेजी रु ६० देखि रु ७०, सजिवन रु २०० देखि रु २५० तथा रातो बन्दा रु ५० देखि रु ६० सम्म रहेको छ। सेलरी रु २५० देखि रु ३५०, पार्सले रु २ हजार ४०० देखि रु २ हजार ८०० तथा पुदीना रु ६०० देखि रु ७०० सम्म रहेको छ।

इमली प्रतिकेजी रु १६० देखि रु १८०, तामा रु १४० देखि रु १६०, तोफु रु १४० देखि रु १६० तथा गुन्दुक रु ३०० देखि रु ३५० सम्म रहेको छ। रुख टमाटरको मूल्य प्रतिकेजी रु १०० देखि रु १५० रहेको छ।

फलफूलतर्फ फूजी स्याउ प्रतिकेजी रु ३०० देखि रु ३५०, जुम्लाको स्याउ रु २५० देखि रु ३५० तथा मुस्ताङको स्याउ रु १३० देखि रु १६० सम्म रहेको छ। नेपाली केराको मूल्य प्रतिदर्जन रु १५० देखि रु २०० र मालभोग केराको रु १०० देखि रु १५० रहेको समितिले जनाएको छ।

कागती प्रतिकेजी रु २५० देखि रु ३५०, अनार रु २५० देखि रु ३००, हरियो तरबुजा रु ६० देखि रु ७०, मौसम रु १०० देखि रु १५० तथा जुनार रु १५० देखि रु २०० सम्म रहेको छ। भुइँकटहर प्रतिगोटा रु १५० देखि रु २०० तथा रुख कटहर प्रतिकेजी रु ४० देखि रु ५० सम्म रहेको छ।

निबुवा प्रतिकेजी रु ५० देखि रु ६०, लोकल नासपाती रु ९० देखि रु १०० तथा चाइनिज नासपाती रु २०० देखि रु २५० सम्म रहेको छ। नेपाली मेवा रु ७० देखि रु ८० र भारतीय मेवा रु १०० देखि रु १२० सम्म रहेको छ। अम्बा रु १०० देखि रु १५०, लप्सी रु ५० देखि रु ६० तथा किवी रु ३५० देखि रु ४०० सम्म रहेको छ।

शरीफा प्रतिकेजी रु १५० देखि रु २००, आभोकाडो रु २५० देखि रु ३५०, अमला रु ८० देखि रु १००, काँचो नरिवल रु ६० देखि रु ८० तथा हरियो नरिवल रु १५० देखि रु १७० सम्म रहेको छ। नेपाली ड्रागन फ्रुट रु ४०० देखि रु ५०० सम्म रहेको समितिको मूल्यसूचीमा उल्लेख छ।

अदुवाको मूल्य प्रतिकेजी रु २०० देखि रु २३० रहेको छ। सुकेको खुर्सानी रु ५०० देखि रु ५५०, लाम्चो हरियो खुर्सानी रु ६० देखि रु ७०, बुलेट हरियो खुर्सानी रु ६० देखि रु ७०, माछे खुर्सानी रु ७० देखि रु ८० तथा अकबरे खुर्सानी रु १५० देखि रु २०० सम्म रहेको छ। भेडे खुर्सानी रु ७० देखि रु ८० सम्म रहेको छ।

हरियो लसुन प्रतिकेजी रु २५० देखि रु ३००, सुकेको चाइनिज लसुन रु २२० देखि रु २६० तथा सुकेको नेपाली लसुन रु २०० देखि रु २३० सम्म रहेको समितिले जनाएको छ। सुकेको छ्यापीको मूल्य प्रतिकेजी रु १८० देखि रु २०० रहेको छ।

सुकेको माछाको मूल्य प्रतिकेजी रु ८०० देखि रु १ हजारसम्म रहेको छ। ताजा माछातर्फ रहु रु ३४० देखि रु ३७०, बचुवा रु ३०० देखि रु ३४० तथा छडी रु ३२० देखि रु ३५० प्रतिकेजी रहेको समितिको मूल्यसूचीमा उल्लेख छ।