कालीमाटी बजारमा आज कुन कृषि उपजको मूल्य कति ? हेर्नुहोस्

काठमाडौँ, २७ कात्तिक । कालीमाटी फलफूल तथा तरकारी बजार विकास समितिले शुक्रबारका लागि विभिन्न कृषि उपजको नयाँ मूल्यसूची सार्वजनिक गरेको छ। समितिले सार्वजनिक गरेको मूल्यसूचीअनुसार बजारमा तरकारी, फलफूल, हरियो सागसब्जी, च्याउ, मसला तथा माछालगायतका कृषि उपजको न्यूनतम र अधिकतम मूल्य निर्धारण गरिएको छ।

मूल्यसूचीअनुसार ठूलो गोलभेडा (नेपाली र भारतीय) प्रतिकिलो न्यूनतम ६० रुपैयाँदेखि अधिकतम ७० रुपैयाँसम्म रहेको छ। सानो गोलभेडा (लोकल) प्रतिकिलो १२ देखि २० रुपैयाँ, टनेलको ३० देखि ५० रुपैयाँ र तराईको ३५ देखि ४५ रुपैयाँसम्म रहेको छ।

यसैगरी, रातो आलु (लाम्चो, गोलो र मुडे) प्रतिकिलो ५५ देखि ६० रुपैयाँसम्म कायम हुँदा भारतीय रातो आलु ३० देखि ३५ रुपैयाँ र सेतो आलु २५ देखि ३२ रुपैयाँसम्म रहेको छ। सुकेको भारतीय प्याज प्रतिकिलो ८८ देखि ९२ रुपैयाँसम्म रहेको छ।

गाजर (लोकल) प्रतिकिलो ८० देखि ९० रुपैयाँ र तराईको गाजर ५० देखि ६० रुपैयाँसम्म रहेको छ। काक्रो (लोकल) ७० देखि ८० रुपैयाँ, हाइब्रीड ४० देखि ५० रुपैयाँ र लोकलक्रस ६० देखि ७० रुपैयाँसम्म रहेको छ।

त्यसैगरी, लोकल बन्दा प्रतिकिलो २५ देखि ३० रुपैयाँ, स्थानीय काउली २० देखि ३५ रुपैयाँ र तराईको काउली १५ देखि २५ रुपैयाँसम्म रहेको छ। रातो मूला र सेतो मूला (हाइब्रीड) दुवैको मूल्य प्रतिकिलो २० देखि ३० रुपैयाँसम्म निर्धारण गरिएको छ। लाम्चो भन्टा २५ देखि ३५ रुपैयाँ र डल्लो भन्टा ५० देखि ६० रुपैयाँसम्म रहेको छ।

बोडी (तने) प्रतिकिलो ७० देखि ९० रुपैयाँ, मकै बोडी ४० देखि ५० रुपैयाँ र मटरकोशा १०० देखि १३० रुपैयाँसम्म रहेको छ। घिउ सिमी (लोकल र हाइब्रीड) प्रतिकिलो ६० देखि ७० रुपैयाँ तथा घिउ सिमी (राजमा) १२० देखि १४० रुपैयाँसम्म रहेको छ। टाटे सिमी ६० देखि ७० रुपैयाँ र भटमासकोशा १०० देखि १२० रुपैयाँसम्म रहेको छ।

यसैगरी, तितो करेला प्रतिकिलो ७० देखि ८० रुपैयाँ, लौका ४० देखि ५० रुपैयाँ, परवर (लोकल) ५० देखि ७० रुपैयाँ र परवर (तराई) ६० देखि ८० रुपैयाँसम्म रहेको छ। चिचिण्डो र घिरौला प्रतिकिलो ३० देखि ४० रुपैयाँ, झिगूनी ६० देखि ७० रुपैयाँ तथा पाकेको फर्सी ६० देखि ७० रुपैयाँसम्म रहेको छ। हरियो फर्सी (डल्लो) ३० देखि ४० रुपैयाँ, भिण्डी ७० देखि ८० रुपैयाँ, सखरखण्ड ८० देखि ९० रुपैयाँ र बरेला ३० देखि ४० रुपैयाँसम्म रहेको छ।

पिंडालू प्रतिकिलो ६० देखि ७० रुपैयाँ र स्कुस २० देखि ३० रुपैयाँसम्म रहेको समितिको मूल्यसूचीमा उल्लेख छ।

हरियो सागसब्जीतर्फ रायोको साग प्रतिकिलो ६० देखि १०० रुपैयाँ, पालुङ्गोको साग ८० देखि १२० रुपैयाँ, चमसूरको साग १०० देखि १५० रुपैयाँ र तोरीको साग ३० देखि ५० रुपैयाँसम्म रहेको छ। यसैगरी, मेथीको साग प्रतिकिलो १०० देखि १५० रुपैयाँ, हरियो प्याज १५० देखि २५० रुपैयाँ र बकूला ९० देखि १०० रुपैयाँसम्म रहेको छ।

त्यसैगरी, तरुल प्रतिकिलो १०० देखि १२० रुपैयाँ, गान्टे मूला १०० देखि १२० रुपैयाँ, जिरीको साग १०० देखि १५० रुपैयाँ र सौफको साग १०० देखि १५० रुपैयाँसम्म रहेको छ। ब्रोकाउली प्रतिकिलो ७० देखि ९० रुपैयाँ, चुकुन्दर ८० देखि ९० रुपैयाँ, सजिवन २०० देखि २५० रुपैयाँ र रातो बन्दा १३० देखि १५० रुपैयाँसम्म रहेको छ।

यसैगरी, सेलरी प्रतिकिलो ४०० देखि ५०० रुपैयाँ, पार्सले २ हजार ४०० देखि २ हजार ८०० रुपैयाँ र पुदीना ६०० देखि ७०० रुपैयाँसम्म रहेको छ। इमली प्रतिकिलो १६० देखि १८० रुपैयाँ, तामा १४० देखि १६० रुपैयाँ, तोफु १४० देखि १६० रुपैयाँ र गुन्दुक ३०० देखि ३५० रुपैयाँसम्म रहेको छ। रुख टमाटरको मूल्य प्रतिकिलो १०० देखि १५० रुपैयाँसम्म कायम गरिएको छ।

च्याउतर्फ कन्य च्याउ प्रतिकिलो २४० देखि २७० रुपैयाँ, डल्ले च्याउ ३५० देखि ४०० रुपैयाँ र राजा च्याउ २८० देखि ३०० रुपैयाँसम्म रहेको छ। सिताके च्याउ प्रतिकिलो ८०० देखि १ हजार रुपैयाँसम्म रहेको छ। त्यस्तै, कुरिलो प्रतिकिलो ७०० देखि ८०० रुपैयाँसम्म रहेको समितिको मूल्यसूचीमा उल्लेख छ।

फलफूलतर्फ फुजी स्याउ प्रतिकिलो ३०० देखि ३५० रुपैयाँ, जुम्लाको स्याउ २५० देखि ३०० रुपैयाँ र मुस्ताङको स्याउ २०० देखि २५० रुपैयाँसम्म रहेको छ। नेपाली केरा र मालभोग केरा प्रतिदर्जन १०० देखि १५० रुपैयाँसम्म रहेको छ।

यसैगरी, कागती प्रतिकिलो १५० देखि २५० रुपैयाँ, अनार ३०० देखि ३५० रुपैयाँ, नेपाली सुन्तला ७० देखि ८० रुपैयाँ र भारतीय सुन्तला ९० देखि १०० रुपैयाँसम्म रहेको छ। हरियो तरबुजा प्रतिकिलो ७० देखि ८० रुपैयाँ, मौसम १५० देखि २०० रुपैयाँ र जुनार १५० देखि २०० रुपैयाँसम्म रहेको छ। भुईँकटहर प्रतिगोटा १५० देखि २०० रुपैयाँसम्म कायम गरिएको छ।

निबुवा प्रतिकिलो ५० देखि ६० रुपैयाँ, चाइनिज नासपाती २५० देखि ३०० रुपैयाँ, नेपाली मेवा ५० देखि ६० रुपैयाँ र भारतीय मेवा ९० देखि १०० रुपैयाँसम्म रहेको छ। अम्बा प्रतिकिलो १५० देखि २०० रुपैयाँ र लप्सी ७० देखि ८० रुपैयाँसम्म रहेको छ।

यसैगरी, किवी प्रतिकिलो २०० देखि ३०० रुपैयाँ, शरीफा १५० देखि २०० रुपैयाँ, एभोकाडो २०० देखि ३०० रुपैयाँ र अमला ७० देखि ८० रुपैयाँसम्म रहेको छ। काँचो नरिवल प्रतिकिलो ६० देखि ८० रुपैयाँ र हरियो नरिवल १५० देखि २०० रुपैयाँसम्म रहेको छ। नेपाली ड्रागन फ्रुट प्रतिकिलो ४०० देखि ५०० रुपैयाँसम्म रहेको समितिले जनाएको छ।

अदुवा प्रतिकिलो ८० देखि १०० रुपैयाँ, सुकेको खुर्सानी ५०० देखि ५६० रुपैयाँसम्म रहेको छ। हरियो खुर्सानी (लाम्चो) प्रतिकिलो ९० देखि १०० रुपैयाँ, बुलेट र माछे खुर्सानी १०० देखि १२० रुपैयाँ तथा अकबरे खुर्सानी १५० देखि २०० रुपैयाँसम्म रहेको छ। भेडे खुर्सानी प्रतिकिलो ८० देखि १०० रुपैयाँसम्म कायम गरिएको छ।

त्यसैगरी, हरियो लसुन प्रतिकिलो १५० देखि २५० रुपैयाँ र हरियो धनियाँ १५० देखि २५० रुपैयाँसम्म रहेको छ। सुकेको चाइनिज र नेपाली लसुन दुवैको मूल्य प्रतिकिलो २३० देखि २६० रुपैयाँसम्म रहेको छ। सुकेको छ्यापी १८० देखि २०० रुपैयाँ र हरियो छ्यापी १५० देखि २०० रुपैयाँसम्म रहेको छ।

माछातर्फ सुकेको माछा प्रतिकिलो ८०० देखि १ हजार रुपैयाँसम्म रहेको छ। यसैगरी, ताजा माछामध्ये रहु प्रतिकिलो ३४० देखि ३७० रुपैयाँ, बचुवा ३०० देखि ३३० रुपैयाँ र छडी माछा ३२० देखि ३५० रुपैयाँसम्म रहेको समितिले सार्वजनिक गरेको मूल्यसूचीमा उल्लेख छ।