स्मार्ट कृषि गाउँ छनोट

देउखुरी,कृषि क्षेत्रको विकासका लागि प्रदेश सरकारले दाङका छवटा गाउँलाई स्मार्ट कृषि गाउँका रूपमा छनोट गरेको छ । कृषि क्षेत्रको विकास र प्रवद्र्धनले नै ग्रामीण क्षेत्रलाई आर्थिकरूपमा सबल बनाउन सक्ने भएकाले प्रदेश सरकारले दाङका छवटा स्थानीय तहमा एक–एकवटा गाउँलाई स्मार्ट कृषि गाउँका रूपमा छनोट गरेको हो ।

कृषि क्षेत्रको विकास र प्रवद्र्धनका लागि प्रदेश सरकारले चार वर्षे आयोजनाका रूपमा जिल्लाका छवटा गाउँलाई स्मार्ट कृषि गाउँका रूपमा छनोट गरेको कृषि ज्ञानकेन्द्र दाङले जनाएको छ । परियोजनाका लागि प्रदेश सरकारले चालू आर्थिक वर्षमा चार करोड रुपियाँ विनियोजन गरेको छ । निःशर्त अनुदानतर्फ स्मार्ट कृषि गाउँ कार्यक्रम सञ्चालन हुन लागेको हो । एउटा गाउँमा ५० लाख रुपियाँका दरले चालू आर्थिक वर्षमा लगानी गरिने कृषि ज्ञान केन्द्रकी सूचना अधिकारी कुसुम भुसालले जानकारी दिनुभयो । छनोटमा परेको गढवा गाउँपालिका वडा नंं. २ घुस्रामा तरकारी र बाख्रापालन, लमही नगरपालिका वडा नंं. ९ अर्नवामा कागती र बाख्रापालन, बंगलाचुली गाउँपालिका वडा नं. ६ रिभानटोलमा तरकारी र कागती खेती, घोराही उपमहानगरपालिका वडा नं. ८ र १० स्यानीगाउँको धोवघाट पोखरी क्षेत्रमा तरकारी र वसन्ते मकै खेती, तुलसीपुर उपमहानगरपालिका वडा नंं. १४ लुहाडबरा–मटेरामा तरकारी र वसन्ते मकै खेती र शान्तिनगर गाउँपालिका वडा नं. ७ बुढाडाबर–दुबिचौरमा तरकारी र वसन्ते मकै खेती गरिने सूचना अधिकारी भुसालले जानकारी दिनुभयो । यी क्षेत्र कृषि खेती र उत्पादनका लागि निकै सम्भावित क्षेत्र पनि हुन् ।

एउटै गाउँका ५० घरधुरीको सामूहिक सहभागिता र एक सय ५० रोपनी जग्गा हुनुपर्ने मापदण्ड निर्धारण गरिएको छ । एक निर्वाचन क्षेत्र एक कृषि गाउँ बनाउने उद्देश्यले जिल्लाका छवटा स्थानीय तहका छवटा गाउँलाई सरकारले उक्त आयोजनामा समावेश गरेको छ । जसले सामूहिक खेतीको अवधारणाको विकास गर्दै कृषि क्षेत्रको विकासमा ठूलो टेवा पु¥याउने प्रदेश सांसद इन्द्रजित थारूले जानकारी दिनुभयो । सरकारले पहिलो आर्थिक वर्षमा शतप्रतिशत अनुदान, दोस्रो वर्ष ७५, तेस्रो वर्ष ५० र चौथो वर्ष उक्त कृषक समूह आफ्नै लगानीमा पूर्ण सञ्चालन गर्नसक्ने गरी प्राविधिक ज्ञान सीपसहितको लगानी गर्न लागेको हो ।गोरखापत्र

Subscribe
Notify of
guest

1 Comment
Oldest
Newest Most Voted
Inline Feedbacks
View all comments