आम्दानीको स्रोत: बाँस र निगालो
सिमकोट न्यून आय स्रोत भएका सिमान्तकृत गरिबहरुको आम्दानीको स्रोत बाँस तथा निगालोका सामाग्री बुनेर बिक्री गर्ने कार्य भएको छ । अन्य आम्दानीको स्रोत केही नदेखिए पछि यी सामाग्री बुनेर बिक्री गर्ने कार्य आम्दानीको श्रोत भएको हो । यस पाली मात्र बाँस र निगालाका डालो, डोको, छाप्री, चैनु र थुन बनाएर बिक्रीबाट घर खर्च त चलेको छ नै आम्दानी पनि राम्रो भएको खार्पुनाथ गाउँपालिका वडा नम्वर ३ का डुक्ला बुढाले बताउनु भयो । पहिले बाट यो पेशा गर्दै आएको भए पनि यस पाली कमाई राम्रो भएको उहाँले बताउनु भयो । यस पाली मात्र बाँस तथा निगालोका सामानहरु साढे तीन सय भन्दा बढी बुनेर बिक्री गरेको उहाँले बताउनु भयो । अहिले पनि गाउँघरमा मात्र होईन सदरमुकाम सिमकोटमा पनि यी सामानहरु राम्रो बिक्री हुने भएको कारण कच्चा सामान जंगलबाट ल्याउने देखि बुनेर बिक्री आफैले गर्ने र बिक्री गर्न पनि गाउँ गाउँमा जानु पर्ने बुढाले बताउनुु भयो ।
गाउँ देखि सिमकोटसम्म यी सामानहरु प्रति गोटाको दुई सय देखि छ सयसम्म मुल्यमा बिक्री हुने गरेको उहाँले बताउनुु भयो । यसबाट माघ महिनामा मात्र डेढ लाख र फागुनमा साठी हजारका सामानहरु बिक्री भएको र केही सामान घरका अन्य सदस्यहरु लिएर गाउँघरमा बिक्री गर्न गएको उहाँले बताउनु भयो । घरको उत्पादनबाट तीन महिना पनि खाना पुग्न कठिन हुने भएपछि विकल्पका रुपमा यो पेशा रोजेको तर आम्दानी राम्रो हुने गरेको उहाँले बताउनु भयो । यसबाट सात सदस्यीय परिवार मात्र पालिएको छैन गाउँमा जग्गा पनि जोडेको उहाँले बताउनु भयो ।बुढा मात्र होईन सोही गाउँपालिका वडा नम्बर ४ का रिउने नेपालीले पनि यही पेशाबाट कमाई गर्ने गर्नु भएको छ । घरमा जग्गा जमिन थोरै मात्र भएको र बर्ष भरि नै यही पेशाले आम्दानी गरेर पाँच सदस्यीय परिवार धान्ने मात्र होईन बचेको कमाईले केही सम्पति पनि जोडेको उहाँले बताउनुु भयो । न कुनै तालिम न कुनै सिप बिनै बाँस तथा निगालोका सामान बनाउनु परेको र अहिले त स्तरीय सामान उत्पादन हुन थालेको उहाँले बताउनु भयो ।
हुम्ला जिल्लामा यी दुई जना मात्र बाँस तथा निगालाका सामान बनाएर व्यवसायीक रुपमा काम गर्ने अरु एक दर्जन भन्दा बढी किसानहरु रहेका छन् । जिल्लाका प्रत्येक गाउँबस्तीमा यी सामानहरुको खपत हुने भएको कारण यो व्यव्साय राम्रो संग संचालन भएको उद्योग वाणिज्य संघका उपाध्यक्ष राम बहादुर भण्डारीले बताउनु भयो ।गोरखापत्र
फुङ्लिङ:प्रकृतिक सुन्दरताको आनन्द लिन लोदेन घुम्न जानका लागि काठमाडौंमा योजना बनाएर अनिल खड्का र लोकेश लिवाङ ताप्लेजुङ पुगे । फुङ्लिङबाट ...
हुम्ला: केही वर्ष अगाडिसम्म जिल्लाभरिका किसानले राम्रो उत्पादन गर्ने लट्टे (मार्से) बाली हाल लोप हुने अवस्थामा पुगेको छ । स्थानीयले खानेकुराको ...
सन् १९८६ मा बेलायतका तत्कालीन राजकुमार राजकुमार चार्ल्सले एक अन्तर्वार्तामा बोटबिरुवासँग कुरा गर्न र यिनीहरूलाई सुन्न आवश्यक भएको बताएका थिए ...
रसुवा:दुग्ध विकास संस्थानद्वारा यहाँ सञ्चालित चन्दनबारी चिज उत्पादन केन्द्रलाई रु १० हजार जरिवाना गराइएको छ । चिज राख्ने भण्डार अव्यवस्थित ...
झापा: डेङ्गु सङ्क्रमणबाट कोशी प्रदेशमा गत साउनदेखि हालसम्ममा १७ जनाको मृत्यु भएको छ भने ३० हजार तीन सय ३० जना सङ्क्रमित ...
काठमाडौं : कालिमाटी फलफूल तथा तरकारी बजार विकास समितिले आजको मूल्य सूची सार्वजनिक गरेको छ । जसअनुसार टनेल गोलभेडा सानो ...