कोइरालाको ताजा अचार बनाउने तरिका
जतिसुकै मीठा परिकार भए पनि अचार विनाको भान्सा अधुरो रहन्छ । सबै अचारको स्वाद अमिलो, पिरो र खानालाई स्वादिलो बनाउने, ट्वाक्क मीठो वा सुन्ने वित्तिकै जिब्रो रसिलो भएर आउँछ । अचारले हाम्रो खानालाई सजिलै पचाउनमा मद्दत गर्दछ ।
आवश्यक सामग्री (दश जनाको लागि) :
-कोइरालाको फूल– आधा केजी
-आलु – २०० ग्राम
-तीलको पेष्ट – १०० ग्राम
-नुन – १ चम्चा (ठूलो चम्चाको)
-बेसार– १ चम्चा (सानो चम्चाको)
-लसुन ठूलो– १ पोटी, व्रत पूजामा नराख्ने
-अदुवा ठिक्कको– १ टुक्रा
-हरियो खुर्सानी – ५० ग्राम वा स्वाद अनुसार
-तोरीको तेल– ५० मि.ली. वा स्वाद अनुसार
-मेथी– २ चिम्टी
-कागती– ३ वटा
-धनियाको धूलो– १० ग्राम
-जिराको धूलो– ५ ग्राम
-हिङ – १ चिम्टी
-मुङ्ग्रेलो (पेष्ट बनाएको) – स्वाद अनुसार
बनाउने विधि :
-कोइरालो र आलु सफा गरी उसिन्ने र आलु छोडाएर इच्छा अनुसारको टुक्रा पार्ने ।
-कोइरालो निचोरेर छुट्टै राख्ने । लसुन टुक्रा पार्ने ।
-तेल तताउने मेथी पड्काउने रातो भएपछि अदुवा, लसुन, खुर्सानी राखेर हल्का फ्राई गर्ने र अन्तिममा बेसार राखेर सबै मसला फ्राई गर्ने त्यसपछि झानिदिने ।
-कागतीको रस राख्ने र राम्ररी मोल्ने । कडा भएमा केही पानी राख्न सकिन्छ ।
-अमिलो र खुर्सानी इच्छा अनुसार थपेर खान सकिन्छ । यसरी ताजा अचार तयार हुन्छ ।
साभार : ‘सजिलो कुकिङ’ पुस्तकबाट