चौरी गाईको दूधबाट बन्ने घ्यू, नौनी, चीज र छुर्पी

१. घ्यू (Butter/Ghee)
चौरीको दूध निकै गाढा र पोषिलो हुन्छ। यसको दूधबाट पहिले नौनी (मखन) बनाइन्छ र त्यसपछि उक्त नौनी तताएर घ्यू निकालिन्छ। चौरीको घ्यूमा सुनौलो रङ, गहिरो स्वाद र औषधीय गुणहरू हुन्छन्। यो उच्च ऊर्जायुक्त हुन्छ र परम्परागत रूपमा हिमाली क्षेत्रमा खाना पकाउन र धार्मिक कार्यहरूमा प्रयोग गरिन्छ।

२. नौनी (Butter)
चौरीको दूधबाट दही जमाएर त्यसलाई मथेर नौनी निकालिन्छ। चौरीको नौनी साधारण गाईको नौनी भन्दा गाढा, थोरै फरक स्वादको हुन्छ। यसलाई सिधै खान, घ्यू बनाउन, वा परम्परागत परिकारहरूमा प्रयोग गरिन्छ।

३. चीज (Cheese)
चौरीको दूधबाट विशेष प्रकारको चीज बनाइन्छ, जुन विशेषगरी हिमाली चीज (Yak Cheese) भनेर चिनिन्छ। यो चीज निकै गाढा स्वादको, अलि नुनिलो र दीर्घकालसम्म टिक्ने खालको हुन्छ। नेपालमा खासगरी मनाङ, मुस्ताङ,रसुवा दोलखा लगायत हिमाली क्षेत्रमा याक चीज उत्पादन हुन्छ, र विदेशमा पनि यसको ठूलो माग छ।

४. छुर्पी (Chhurpi)
छुर्पी चौरी गाईको दूधबाट बनाइने एकदमै कडा वा नरम दुबै प्रकारको परिकार हो।
• नरम छुर्पी: अचार बनाएर वा त्यतिकै पनि खान सकिन्।
• कडा छुर्पी: लामो समयसम्म चपाएर खाने परिकार। छुर्पी अत्यन्तै पोषिलो र टिकाउ हुन्छ। यसले लामो समयसम्म भोक शान्त पार्छ