विद्युत अनियमितताले थलिएका व्यवसायी: छबि खरेलको पीडा र आक्रोश

व्यवसायी छबि खरेलले हालैको विद्युत आपूर्तिको चरम अनियमिततालाई “नालायकहरुको नाङ्गो नाच” को संज्ञा दिँदै आफ्नो पीडा र आक्रोश व्यक्त गर्नुभएको छ। प्रविधिमा निर्भर रहेर व्यवसाय सञ्चालन गर्ने आफूजस्ता कैयौं व्यवसायीहरू आज विद्युत प्राधिकरणको लाचारीका कारण पछुताउनु परेको उहाँको भनाइ छ।

आर्थिक क्षति: उहाँले दैनिक ३० देखि ४० हजार रुपैयाँको नोक्सानी बेहोर्नु परेको बताउनुभएको छ।

उपकरणमा क्षति: ५०० केजी लोडमा मेसिन चलिरहेको बेला पटक-पटक बत्ती जाँदा र आउँदा उहाँको २ लाख ५० हजार पर्ने गियरबक्स दुई पटक बिग्रिसकेको छ, जसमा थप २ लाख रुपैयाँको क्षति भएको छ।

पोल्ट्री व्यवसायमा संकट: अहिलेको ४१ डिग्रीको तापक्रम र उच्च आर्द्रताले गर्दा ४८ डिग्री सेल्सियस महसुस हुने गर्मीमा अचानक ७-७ घण्टासम्म बिजुली का टिँदा उहाँको पोल्ट्री फार्मका कुखुराहरू ठाउँको ठाउँ म रेर ढल्छन्। “म रेका कुखुरा बोरामा बोक्नु बाहेक अरू केही गर्न सकिँदैन,” उहाँले आफ्नो विवशता पोख्नुभयो।

सरकार र विद्युत प्राधिकरणको गैरजिम्मेवारपनप्रति उहाँले चरम आक्रोश व्यक्त गर्नुभएको छ। “यी निकम्माहरूमा लाज, सरम, नैतिकता, डर केही छैन,” उहाँ भन्नुहुन्छ। सेवा नदिए पनि ‘डिमान्ड चार्ज’ बापत मासिक ५,००० रुपैयाँको बिल आउने तर गुनासो सुन्नका लागि राखिएको फोन लाइन २४ सै घण्टा व्यस्त रहने गरेको उहाँको गुनासो छ। “अघिल्ला वर्षहरूमा यस्तो अचाक्ली त थिएन,” भन्दै उहाँले यो समस्या हालै झनै विकराल बनेको बताउनुभयो।

अन्तमा, उहाँले अब यो पीडा सहन सक्ने सीमाभन्दा बाहिर गइसकेको बताउनुभएको छ। आक्रोशमा उहाँले सरकारलाई “तेरो विद्युत लैजा, म जेनेरेटर किनेर चलाउँछु” भन्दै चुनौती दिनुभएको छ। उहाँको प्रश्न सीधा छ: “यो क्षतिको जवाफदेही को हो? यसको जिम्मा कसले लिने ?”