कालीमाटीमा आजको तरकारी तथा फलफूलको थोक मूल्य: हेर्नुहोस् सूची

काठमाडौँ, भदौ ०७ गते।कालीमाटी फलफूल तथा तरकारी बजार विकास समितिले आज शनिबार, भदौ ०७ गतेका लागि तरकारी तथा फलफूलको थोक मूल्यसूची सार्वजनिक गरेको छ। समितिका अनुसार आज अधिकांश तरकारी तथा फलफूलको मूल्य स्थिर रहेको छ भने केहीको मूल्यमा सामान्य घटबढ देखिएको छ।

समितिका अनुसार, आज भारतीय रातो आलुको थोक मूल्य न्यूनतम रू २८ देखि अधिकतम रू ३१ (औसत रू २९.६७) रहेको छ। यस्तै, मुडेको रातो आलु प्रतिकेजी रू ४४ देखि रू ४६ (औसत रू ४५) र सेतो आलु रू ३७ देखि रू ३९ (औसत रू ३८.२५) मा कारोबार भइरहेको छ। भारतीय सुकेको प्याजको मूल्य प्रतिकेजी रू ४२ देखि रू ४४ (औसत रू ४३) तोकिएको छ।

यसैगरी, हरियो तरकारीतर्फ स्थानीय बन्दा प्रतिकेजी रू ३० देखि ३५ मा कारोबार भइरहेको छ भने स्थानीय काउली र ज्यापु काउलीको मूल्य प्रतिकेजी रू १२० देखि क्रमशः रू १३० र रू १३५ सम्म रहेको छ। तराई काउली भने रू १०० देखि रू १२० मा बिक्री भइरहेको छ। ब्रोकाउलीको मूल्य प्रतिकेजी रू २२० देखि रू २५० सम्म रहेको छ।

समितिले सार्वजनिक गरेको मूल्यसूची अनुसार, लोकल गाजरको भाउ प्रतिकेजी रू १२० देखि रू १३० पुगेको छ भने तराईको गाजर रू ११० देखि रू १२० मा उपलब्ध छ। रातो मूला प्रतिकेजी रू ५० देखि रू ६० मा कारोबार हुँदा सेतो लोकल मूला रू ४० देखि रू ५० सम्ममा किनबेच भइरहेको छ।

यस्तैगरी, सिमीका प्रकारहरूमा तने बोडी प्रतिकेजी रू ९० देखि रू १२०, मकै बोडी रू ८० देखि रू ९०, घिउ सिमी (लोकल र हाइब्रिड) रू ११० देखि रू १२०, राजमा सिमी रू १३० देखि रू १४० र टाटे सिमी रू ११० देखि रू १२० सम्ममा कारोबार भइरहेको छ। भन्टा (लामो) रू ४०-५० र डल्लो भन्टा रू ५०-६० मा बिक्री भइरहेको छ। अन्य तरकारीमा लौका रू ८०-९०, घिरौला रू ६०-७०, तितो करेला रू ९०-१००, परवर रू ७०-८०, भिण्डी रू ७०-८० र स्कूस रू ३०-४० रहेको छ।

सागपातको मूल्यतर्फ रायोको साग प्रतिकेजी रू १२० देखि रू १५०, पालुंगो साग रू १००-१२० र तोरीको साग रू ८०-९० रहेको छ। हरियो धनियाको मूल्य भने आकासिएको छ, जसको थोक मूल्य प्रतिकेजी रू ३०० देखि रू ५०० सम्म पुगेको छ। यस्तै, हरियो प्याज रू ८०-१०० मा कारोबार भइरहेको छ।

च्याउका विभिन्न प्रकारको मूल्य पनि उच्च रहेको छ। कन्य च्याउ प्रतिकेजी रू २००-२५०, डल्ले च्याउ रू ३५०-४००, राजा च्याउ रू २८०-३०० र सिताके च्याउ रू ९०० देखि रू १००० सम्ममा बिक्री भइरहेका छन्। यस्तै, कुरिलोको मूल्य प्रतिकेजी रू ३५० देखि रू ४०० रहेको छ।

फलफूलतर्फ, केरा प्रति दर्जन रू १४० देखि रू १५० मा कारोबार भइरहेको छ। स्याउमा झोले स्याउ प्रतिकेजी रू २२०-२५० र फूजी स्याउ रू २८०-३२० मा बिक्री भइरहेको छ। कागती रू १३०-१६०, अनार रू ३३०-३६०, भारतीय सुन्तला रू ३००-३५०, मौसम रू १४०-१६० र जुनार रू २२०-२५० रहेको छ। नेपाली नासपाती रू ९०-१०० र चाइनिज नासपाती रू २२०-२५० मा कारोबार भइरहेको छ। यस्तै, किवि रू ३५०-४००, आभोकाडो रू २५०-३००, मेवा (नेपाली) रू ५०-६० र अम्बा रू २२०-२५० रहेको छ।

मसलाजन्य उपजको मूल्यमा अदुवा प्रतिकेजी रू १००-१२०, चाइनिज सुकेको लसुन रू २००-२२० र नेपाली सुकेको लसुन रू १५०-१७० रहेको छ। सुकेको खुर्सानी प्रतिकेजी रू ३५०-४०० मा बिक्री हुँदा हरियो खुर्सानी (साधारण) रू ४०-५० र अकबरे खुर्सानी रू २००-२५० रहेको छ। भेडे खुर्सानीको मूल्य रू ९०-१०० तोकिएको छ।

यस्तै, माछाको मूल्यमा जिउँदो रहु माछा रू ३२०-३३०, बचुवा माछा रू २६०-२८० र छडी माछा रू २२०-२४० प्रतिकेजी रहेको समितिले जनाएको छ।