१० रुपैयाँमै काक्रो, २० मा मूला र भन्टा; आज कालिमाटीमा के सस्तो छ, के महँगो ?

काठमाडौँ, ३ भदौ । कालिमाटी फलफूल तथा तरकारी बजार विकास समितिले बुधबारका लागि कृषि उपजहरूको नयाँ थोक मूल्यसूची सार्वजनिक गरेको छ। समितिका अनुसार आज बजारमा तरकारी, फलफूल र माछाको मूल्यमा केही उतारचढाव देखिएको छ।

समितिका अनुसार आज नेपाली ठूलो गोलभेडाको न्यूनतम मूल्य प्रतिकेजी ७० र अधिकतम ८० रुपैयाँ तोकिएको छ। भारतीय ठूलो गोलभेडा ९० देखि १०० रुपैयाँ, स्थानीय सानो गोलभेडा ३० देखि ४० रुपैयाँ र टनेलको सानो गोलभेडा ५० देखि ६५ रुपैयाँमा कारोबार भइरहेको छ।

त्यसैगरी, आलु रातो (लाम्चो) को न्यूनतम मूल्य ४८ र अधिकतम ५१ रुपैयाँ रहेको छ। रातो आलु (गोलो) र मुडेको रातो आलुको मूल्य समान ४८ देखि ५३ रुपैयाँ कायम गरिएको छ भने भारतीय रातो आलु ३७ देखि ४० रुपैयाँ र सेतो आलु ३५ देखि ३७ रुपैयाँमा बिक्री भइरहेको छ।

यसैगरी, भारतीय सुकेको प्याजको न्यूनतम मूल्य ७३ र अधिकतम ७५ रुपैयाँ रहेको छ। स्थानीय गाजर १०० देखि १२० रुपैयाँ र तराईको गाजर ७० देखि ८० रुपैयाँमा उपलब्ध छ। स्थानीय बन्दा ४० देखि ५० रुपैयाँ, स्थानीय काउली ९० देखि १०० रुपैयाँ र स्थानीय काक्रो ४० देखि ५० रुपैयाँमा बिक्री भइरहेको छ। हाइब्रीड काक्रो १० देखि १५ रुपैयाँ र स्थानीय क्रस काक्रो ४० देखि ५० रुपैयाँमा कारोबार भइरहेको छ।

त्यसैगरी, रातो मूला २० देखि ३० रुपैयाँ, हाइब्रीड सेतो मूला २५ देखि ३५ रुपैयाँ, लाम्चो भन्टा २० देखि ३० रुपैयाँ र डल्लो भन्टा ३० देखि ४० रुपैयाँमा पाइन्छ। तने बोडी ८० देखि ९० रुपैयाँ, मकै बोडी १०० देखि १२० रुपैयाँ, स्थानीय घिउ सिमी ८० देखि ९० रुपैयाँ र हाइब्रीड घिउ सिमी पनि ८० देखि ९० रुपैयाँमै कारोबार भइरहेको छ। टाटे सिमी ७० देखि ८० रुपैयाँ र भटमासकोशा १०० देखि १३० रुपैयाँ तोकिएको छ।

तितो करेला ४० देखि ५० रुपैयाँ, लौका ५० देखि ६० रुपैयाँ, स्थानीय परवर ६० देखि ७० रुपैयाँ र तराईको परवर ५० देखि ७० रुपैयाँ कायम छ। चिचिण्डो र घिरौला २० देखि ३० रुपैयाँ, झिगूनी ५० देखि ६० रुपैयाँ, पाकेको फर्सी ५० देखि ६० रुपैयाँ र डल्लो हरियो फर्सी ६० देखि ७० रुपैयाँमा उपलब्ध छ। भिण्डी ५० देखि ६० रुपैयाँ, पिंडालू ८० देखि ९० रुपैयाँ र स्कूस ५० देखि ६० रुपैयाँमा बिक्री भइरहेको छ।

समितिका अनुसार रायोको साग ८० देखि १५० रुपैयाँ, पालूगो साग २०० देखि २५० रुपैयाँ, तोरीको साग ८० देखि १०० रुपैयाँ र हरियो प्याज १५० देखि २०० रुपैयाँमा कारोबार भइरहेको छ।

च्याउतर्फ कन्य च्याउ २४० देखि २८० रुपैयाँ, डल्ले च्याउ ५०० देखि ५५० रुपैयाँ, राजा च्याउ ३०० देखि ३३० रुपैयाँ र सिताके च्याउ ८०० देखि १००० रुपैयाँसम्म तोकिएको छ। कुरीलो ४०० देखि ५०० रुपैयाँ, न्यूरो ९० देखि १०० रुपैयाँ र ब्रोकाउली १४० देखि १६० रुपैयाँमा बिक्री भइरहेको छ।

त्यसैगरी, चुकुन्दर ६० देखि ७० रुपैयाँ, सजिवन २५० देखि ३०० रुपैयाँ, रातो बन्दा ३० देखि ४० रुपैयाँ र जिरीको साग ४०० देखि ५०० रुपैयाँमा पाइन्छ। सेलरी २०० देखि २५० रुपैयाँ, पार्सले १४०० देखि १५०० रुपैयाँ, सौफको साग १०० देखि १५० रुपैयाँ र पुदीना ४०० देखि ५०० रुपैयाँ तोकिएको छ। गान्टे मूला १०० देखि १५० रुपैयाँ, इमली १६० देखि १८० रुपैयाँ, तामा र तोफु १४० देखि १६० रुपैयाँ र गुन्दुक ३०० देखि ३५० रुपैयाँमा कारोबार भइरहेको छ।

फलफूलतर्फ फूजी स्याउ २८० देखि ३०० रुपैयाँ, नेपाली केरा २५० देखि ३०० रुपैयाँ (प्रति दर्जन), मालभोग केरा १८० देखि २०० रुपैयाँ (प्रति दर्जन) र कागती २०० देखि २५० रुपैयाँमा पाइन्छ। अनार ३०० देखि ३५० रुपैयाँ, मालदह आँप २५० देखि २८० रुपैयाँ, चोसा आँप २३० देखि २५० रुपैयाँ र हरियो तरबुजा ५० देखि ६० रुपैयाँमा बिक्री भइरहेको छ।

जुनार २७० देखि ३०० रुपैयाँ, भुई कटहर १८० देखि २०० रुपैयाँ (प्रति गोटा), रुख कटहर ५० देखि ६० रुपैयाँ, स्थानीय नासपाती ८० देखि ९० रुपैयाँ र चाइनिज नासपाती १५० देखि २०० रुपैयाँ तोकिएको छ। नेपाली मेवा ८० देखि ९० रुपैयाँ, भारतीय मेवा १०० देखि १२० रुपैयाँ, लप्सी ५० देखि ६० रुपैयाँ, किवि ३५० देखि ४०० रुपैयाँ, आभोकाडो ४०० देखि ५०० रुपैयाँ र अमला १५० देखि २०० रुपैयाँमा कारोबार भइरहेको छ। नरिवलतर्फ काँचो नरिवल ६० देखि ८० रुपैयाँ र हरियो नरिवल १५० देखि १७० रुपैयाँ रहेको छ भने नेपाली ड्रागन फ्रुट ४०० देखि ५०० रुपैयाँमा उपलब्ध छ। रुख टमाटर ३०० देखि ४०० रुपैयाँमा बिक्री भइरहेको छ।

अदुवाको न्यूनतम मूल्य २०० र अधिकतम २३० रुपैयाँ तोकिएको छ। सुकेको खुर्सानी ५०० देखि ५५० रुपैयाँ, हरियो लाम्चो खुर्सानी ६० देखि ८० रुपैयाँ, हरियो बुलेट खुर्सानी ५० देखि ८० रुपैयाँ, माछे खुर्सानी ६० देखि ७० रुपैयाँ र हरियो अकबरे खुर्सानी २५० देखि ३०० रुपैयाँमा कारोबार भइरहेको छ। भेडे खुर्सानी ६० देखि ७० रुपैयाँ, हरियो लसुन १५० देखि २०० रुपैयाँ र हरियो धनिया २५० देखि ३५० रुपैयाँ कायम छ।

सुकेको चाइनिज लसुन २०० देखि २४० रुपैयाँ, नेपाली सुकेको लसुन १८० देखि २०० रुपैयाँ, सुकेको छ्यापी १८० देखि २०० रुपैयाँ र हरियो छ्यापी १५० देखि २०० रुपैयाँ तोकिएको छ।

माछातर्फ सुकेको माछा ८०० देखि १००० रुपैयाँ, ताजा रहु माछा ३३० देखि ३७० रुपैयाँ र ताजा बचुवा तथा छडी माछा समान ३०० देखि ३३० रुपैयाँ प्रतिकिलोमा बिक्री भइरहेको समितिले जनाएको छ।