देशभर मनसुन सक्रिय: कोशी, बागमती र गण्डकी प्रदेशमा भारी वर्षाको सम्भावना

काठमाडौं, श्रावण ०६ :

महाशाखाका अनुसार हाल मनसुनको न्यून चापीय रेखा सरदर स्थानको आसपासमा रहेकाले मनसुनी गतिविधि बढिरहेको हो। यसैको प्रभावले आज दिउँसो देशभरको मौसम आंशिकदेखि साधारणतया बदली रहनेछ। दिउँसो कोशी, बागमती र गण्डकी प्रदेशका साथै देशका अन्य पहाडी भू-भागका केही स्थानहरूमा मेघगर्जन र चट्याङसहित हल्कादेखि मध्यम वर्षाको सम्भावना छ। यस्तै, कोशी, बागमती र गण्डकी प्रदेशका एक-दुई स्थानमा भारी वर्षाको समेत सम्भावना रहेको महाशाखाले जनाएको छ।

यो क्रम आज राति पनि जारी रहनेछ। राति कोशी, मधेश, बागमती र गण्डकी प्रदेश लगायत देशका पहाडी भू-भागका केही स्थानहरूमा मेघगर्जन/चट्याङसहित हल्कादेखि मध्यम वर्षा हुनेछ। यी प्रदेशहरूका एक-दुई स्थानमा भारी वर्षा हुनसक्ने पूर्वानुमान छ।

महाशाखाले भारी वर्षाको सम्भावना रहेका क्षेत्रहरूमा बाढी, पहिरो तथा भू-क्षयको जोखिम बढ्न सक्ने भन्दै सतर्कता अपनाउन सबैमा आग्रह गरेको छ। साथै, वर्षाका कारण यातायात तथा दैनिक जनजीवनमा पर्न सक्ने सम्भावित असरबारे सचेत रहन पनि अनुरोध गरिएको छ।