बागमती र गण्डकी प्रदेशमा भारी वर्षाको सम्भावना, देशभर मनसुनी प्रभाव जारी
काठमाडौं, श्रावण ०७ :
महाशाखाले आज दिउँसो बागमती र गण्डकी प्रदेशका एक-दुई स्थानमा भारी वर्षाको समेत सम्भावना रहेको भन्दै सतर्कता अपनाउन आग्रह गरेको छ।
आज दिउँसो देशभरको मौसम आंशिकदेखि साधारणतया बदली रहनेछ। कोशी, बागमती, गण्डकी प्रदेश लगायत देशका पहाडी भू-भागका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ। बाँकी तराईका भू-भागका थोरै स्थानमा पनि हल्का वर्षा हुन सक्ने पूर्वानुमान गरिएको छ।
आज राती पनि देशभर आंशिकदेखि साधारणतया बदली कायमै रहनेछ। सबै प्रदेशका थोरै स्थानहरूमा मेघगर्जन र चट्याङसहित हल्कादेखि मध्यम वर्षाको सम्भावना रहेको महाशाखाले जनाएको छ।
विभागले भारी वर्षाको सम्भावना रहेका पहाडी क्षेत्रमा पहिरो तथा गेग्रान बहावको जोखिम बढ्न सक्ने र नदीनाला तथा खहरे खोलामा पानीको सतह बढ्न सक्ने भएकाले आवश्यक सावधानी अपनाउन सर्वसाधारणलाई अनुरोध गरेको छ।